Bantay ASF mas gipalig-on sa Buenavista
DAKBAYAN SA BUTUAN-- Mas gipalig-on pa sa lokal sa panggamhanan sa lungsod sa Buenavista, Agusan del Norte ang pagprotektar sa mga baboy pinaagi sa pagpalakang ug pag-aproba sa Municipal Ordinance No. 023-2023 o gitawag nga "An Ordinance Strengthening and Institutionalizing the Bantay ASF sa Barangay "Babay ASF" in the Municipality of Buenavista, Agusan del Norte."
Nakita nga ang programa'ng Bantay African Swine Fever (ASF) tubag sa kaayuhan sa industriya sa baboy ug malungtaron nga programa batok sa ASF, usa ka taas nga epekto sa transboundary nga mga sakit sa mananap ug usa ka makatakod nga hemorrhagic viral nga sakit sa mga baboy ug sa karon wala pay bakuna ug tambal nga magamit.
Ang maong lakang nga gipangamahanan nila SB members Angelita D. CadaliΓ±a, Lucia E. Jundis, Maribel M. Balansag, Eduardo P. Makiling ug Bernardo S. Galapin gi-aprobahan sa Sangguniang Panlalawigan sa Agusan del Norte nga nagtumong sa pagpalig-on sa aksyon sa lungsod nga makontrol ug mapugngan ang pagkanat sa ASF.
Ang ordinansa subay sa Administrative Order No. 22 nga giisyu ni kanhi Presidente Rodrigo Roa Duterte, nga nagmando sa tana'ng ahensya sa gobyerno ug LGU nga higpit nga ipatuman ug tumanon ang national zoning ug movement paln alang sa ASF ubos sa DA Administrative Circular No. 12, series sa 2019.
Ubos sa maong ordinansa, adunay ASF Task Force sa lungsod ang gimugna ug gihatagan og otoridad nga mag-implementar og Bantay ASF sa Baranggay "Babay ASF" Program ug ma-regulate ang paglihok sa mga buhi nga baboy, mga produkto sa baboy ug uban pang mga produkto nga naay sagol baboy subay sa nasudnon nga mga isyu.
Ubos sa seksyon 8 niini'ng ordinansa nga gi mando nga ang tanan Swine Farms marehistro sa Municipal Agriculture Office. Ang pagrehistro sa maong umahan mao ang basehan sa pag isyu sa tanang sertipiko sama sa Veterinary Health Certificate ug Animal Inspection Certificate. Ang mga wala na rehistro walay katungod nga mag operate sa lungsod sa Buenavista.
Ang bisan kinsa nga makaplagan nga nilapas sa maong balaod sama sa pag tamper sa Veterinary Health Certificate, Certificate of Free Status on ASF ug uban pang Data Privacy Issues multahan og P2,500 ka pesos o pagkapreso sulod sa unom ka bulan.
Ang maong ordinansa gi-aprobahan sa Sangguniang Panlalawigan sa pagpangamahan ni Erwin L. Dano, tsirman sa Committee on Agriculture and Agrarian Reform. (Reel Francisco Deligero, PLGU Agusan del Norte/PIA Agusan del Norte)
