Friday, 11 August 2023

P19M pundo gibobo sa probinsya ngadto sa Nasipit

DAKBAYAN SA BUTUAN -- Misuma total sa kantidad nga P19 milyon ang pundo’ng ihatag sa probinsya ngadto sa local nga panggamhanan sa Nasipit human gihatagan og otoridad sa Sangguniang Panlalawigan si Gov. Ma. Angelica Rosedell M. Amante alang sa pag balhin sa pundo ug pagperma sa memorandum of agreement tali sa maong lungsod. 

Rason sa maong lakang nga mapadali ang implementasyon sa ilang mga prayoridad nga programa, proyekto ug aktibidad nga nakalatid sa ilang Annual Investment Programs (AIPs) alang sa kalambuan sa lungsod ug kaayuhan sa mga residente niini.

Aduna’y walo ka mga proyekto’ng gigahinan sa maong kantidad diin gilangkuban sa Improvement of Manpower Human Resource Development and Productivity Enhancement Center sa Barangay Kinabjangan nga nag kantidad og P5 milyon,  Improvement of Manpower Human Resource Development and Productivity Enhancement Center sa Barangay Culit sa kantidad nga P2 milyon, Construction of Drainage Canal sa Barangay 3 nga gipunduhan og P2 milyon,  Rehabilitation/Improvement of Training Center sa Barangay Ata-atahon sa kantidad nga P2 milyon, Construction of Water System sa Barangay Aclan nga nagkantidad og P2 milyon, Improvement of Day Care Center sa Barangay Amontay nga gipunduhan og P2 milyon, Construction of Manpower Human Resource Development and Productivity Enhancement Center sa Barangay Jaguimitan sa kantidad nga P2 milyon, ug Improvement of Manpower Human Resource Development and Productivity Enhancement Center nga aduna’y pundo nga P2 milyon.

Hugtanon kini’ng gisuportahan sa probinsya tungod sa tinguha niini nga mahatag ang kalamboan sa matang sa social, ekonomiya ug imprastraktura sa mga sakop niini’ng LGUs. (RJ A. Sanoria, PLGU Agusan del Norte/PIA Agusan del Norte)