(PAGASA 24-HOUR PUBLIC WEATHER FORECAST as of Wednesday, 30 April 2025) Frontal System affecting Extreme Northern Luzon. Easterlies affecting the rest of the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas / (0.6 to 1.8 meters).


Tuesday, 25 July 2023

AgNor hugot ang suporta sa PWD

DAKBAYAN SA BUTUAN -- Atubangan sa 250 ka mga persons with disabilities (PWDs) sa probinsya sa Agusan del Norte, ug alang sa pagsaulog sa 45th National Disability Prevention and Rehabilitation Week, gipaniguro ni provincial Governor Ma. Angelica Rosedell M. Amante ang hugot nga suporta ug pun-an pa ang mga kakulangon ug panginahanglanon niini aron mahimo pa silang mas protektado sa ilang katungod. 

Kini ang gipadayag sa gobernador niadtong Hulyo 21 sa provincial covered court atol sa pag-abli sa sports festival sa probinsyal nga panggamhanan sa Agusan del.Norte, isip kabahin sa nasudnong selebrasyon sa mga PWDs nga nagdala sa tema nga,  “Aksesibilidad at Karapatan ng mga Taong may Karapatan: Daan Tungo sa Sustenableng Kinabukasan na Walang Maiiwan.”

Gawas sa mga naandam nga programa nga gitanyag sa probinsya isip suporta sa mga PWDs pinaagi sa buhatan sa Provincial Social Welfare and Development sa pagpangulo ni Dr. Silver Joy Tejano, gipahigayon usab ang usa ka sports fest ug ang pagpasinati mahitungod sa nutrition and healthy diet.

Alang sa mga PWDs, malipayon usab sila tungod kay daku ang suporta nga gihatag sa gobernador ug ni Kongresista Dale B. Corvera, tungod kay wala sila gipasagdan. Dugang niini, nabati usab nila nga dili babag ang ilang kahimtang aron maka-partisipar sa mga sports activities.

Subay sa nasangpit nga aktibidad, adunay unom ka mga sports activities ang giduwa sa nagkadaiyang PWDs gikan sa napulo  ka munisipyo ug isa ka syudad sa probinsya nga gilangkuban sa pingpong, dart, chess, volleyball, badminton, ug basketball. 

Gikataho nga mokabat kapin 7,000 ka mga PWDs ang kasamtangang nalista sa Philippine Registry for Persons with Disabilities sa tibuok Agusan del Norte. (Karen Decamotan, PLGU Agusan del Norte/PIA Agusan del Norte)

 

Posted by at