(PAGASA 24-HOUR PUBLIC WEATHER FORECAST as of Tuesday, 23 April 2024) Easterlies affecting the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies/Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Southeast will prevail with slight to moderate seas (0.6 to 2.1 meters).


Tuesday, 25 July 2023

AguSerbisyo Caravan mas gipalig-on

Hingpit na’ng usa ka balaod ang AguSerbisyo Caravan Program sa probinsya sa Agusan del Norte human gi-aprobahan sa Sangguniang Panlalawigan ang Provincial Ordinance No. 661-2023 sa pagpangamahan ni Bokal Larry F. Bautista nga nag-institutionalize niini.

Ang AguSerbisyo Caravan Program nagtumong sa pagdala sa mga nag-unang serbisyo sa probinsya ngadto mismo sa lugar diin anaa ang mas nanginahanglang katawhan. Kini gisugdan panahon pa sa termino ni kanhi’ng Gobernador Dale Corvera apan ubos lang sa Provincial Social Welfare and Development Office nga mga kalihukan. Gani, liboan na ka mga indibidwal sa probinsya ang nakatagamtam sa mga basic services nga gitanyag pinaagi sa maong programa.

Aron kini masustinar isip usa na sa mga programa sa probinsya matag tuig, gikinahanglan nga kini ma-institutionalize pinaagi sa ordinansa sa SP aron lig-on kini nga maglungtad sa umaabot nga mga tuig. Sanglit, parte kini sa Executive-Legislative Agenda sa probinsya ubos sa administrasyon ni Gobernador Angel Amante tungod sa kamahinungdanon niini alang sa katawhan.

Sa matag caravan, ubay-ubay nga mga libre’ng serbisyo ang matagamtaman sa publiko sama sa medikal diin lakip ang minor operation, electrocardiography (ECG) tuli ug konsultasyon, tooth extraction, gupit, ug usab pag-apod-apod sa libreng mosquito nets, hygiene kits, eye glasses; cane, crutches ug walker; tree seedlings, tilapia fingerlings, corn seeds, vegetable seeds, ug uban pang serbisyo sama sa libre’ng legal services.

Subay sa maong ordinansa, gilakip usab ang Balik Former Rebels (FR) Hisgutanay Programs and Services sa probinsya. Ang mga serbisyo ubos niini mao ang Enhanced Comprehensive Local Integration Program (E-CLIP) package of assistance to FRs, reintegration assistance and referral, ug housing assistance sa koordinasyon sa National Housing Authority.

Ang PO No. 661-2023 giaprobahan sa SP sa ika-45 regular niini nga sesyon. (JVDemain, PLGU Agusan del Norte/PIA Agusan del Norte)