Provincial chess finals nagmalampuson sa AgNor
Gisundan kini sa Team Nasipit, Buenavista, Team Cabadbaran B ug Magallanes sa 12-team Provincial Finals ning maong sports event nga gipahiluna nila Cong. Corvera ug Gobernador Ma. Angelica Rosedell M. Amante ning probinsya.
Gawas sa tropeo nga gidawat sa matag team, gidawat usab sa kampeon ang premyo nga P50,000; sa 2nd prize P40,000; 3rd prize mao ang P30,000; 4th prize kay P20,000; ug sa 5th prize ang P10,000.
Gidawat usa sa laing pito ka teams ang consolation prize nga P2,000 matag usa.
Ang champion sa Board 1 nga midawat og medalya ug cash prize nga P2,000 mao si Bimbo Risma sa Magallanes, sa Board 2 si Earl John Zamora sa Cabadbaran Team A, sa Board 3 si Rhenz Rheann Auza sa Cabadbaran Team B, sa Board 4 si Jea Pcholuo Abalo ug sa Board 5, si Mae Geraldine Zabio.
Ang mga team nga nagrepersenta sa matag lungsod/syudad maoy mitumaw nga mga mananaug sa municipal/city level tournmanents nga gihimo niadtong Hunyo 12-17.
Ang maong mga turneyo kabahin sa Provincial Chess Development Program
nga gilunsad sa buhatan sa kongresista aron makapalambo og laing sports nga
hugopan sa mga Agusanon.
Panglantaw usab sa Agusan del Norte Provincial Chess Club nga kaabag sa CDO sa pagpadagan sa programa, nga ipalambo ang sports sa level nga maghimo sa Agusan del Norte nga “Chess Capital sa Caraga”.
Naghinam-hinam ang mga Agusanons sa ubay-ubay pa nga mga follow up activities ang gitakdang himoon sa mosunod nga mga adlaw. (Agusan del Norte 2nd Congressional District Office/PIA Agusan del Norte)
