PhilHealth nanawagan sa padayon nga pagparehistro, pagbayad sa premium
"Sa pagkakaron, misaka ngadtu sa 3.6% ang nagpa-rehistro sa Philhealth gikan kaniadtong pagsugod sa COVID-19 pandemic sa tuig 2020 ug anaa na kin isa sa kapin kon kulang 10,000 ka mga miyembro ang naka parehistr," sigon ni Bucayon.
Nahisgutan usab ang mga issue nga miabut sa ilang opisina mahitungod sa pag-avail sa mga benipisyo sa PhilHealth.
"Usa sa mga issue nga kasagaran mahitabo mao ang accreditation sa PhilHealth kay sa pagkakaron adunay usa ka pribadong hospital dri sa probinsya ang dli accredited sa PhilHealth ug usa na usab ang issue sa kakulangon sa supply sa tambal," matud ni Bucayon.
Mipadayag usab siya sa mga direktiba sa PhilHealth karong tuiga nga diin palig-onon nila ang Collection Efficiency nga diin hugot ang ilang pagpangulekta sa mga miyembro nga wala na matud pa nagbayad sa ilang obligasyon. Kay tungod sa pagbayad, diha makuha ang mga benipisyo sa PhilHealth nga gipangbayaran sa matag miyembro.
Sa katapusang bahin sa maong interbyu, nanawagan si Bucayon sa mga katawhan sa Agusan del Sur hilabi na sa kadtong mga tawo nga nag-edad ug baynte uno (21) anyos pataas nga magpa miyembro na gayud sa PhilHealth kay dako gayud ang tabang ug ang benepisyo nga madawat niini sa panahon nga kini kinahanglanon.
Dugang usab niya nga dili nato kalimtan ang atong obligasyon sa pagbayad sa maong insurance ug kanunay gayud nga mag-amping sa matag adlaw aron mahilayo sa disgrasya. (JPG/KED, PIA-Agusan del Sur)
#ExplainExplainExplain
