(PAGASA 24-HOUR PUBLIC WEATHER FORECAST as of Sunday, 21 July 2024) At 3:00 AM today, the Low Pressure Area (LPA) was estimated based on all available data at 135 km West Southwest of Calapan City, Oriental Mindoro (13.1°N, 120.0°E). Meanwhile, another LPA was estimated based on all available data at 880 km East of Eastern Visayas (11.1°N, 133.8°E). 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due to Southwest Monsoon. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to Moderate winds coming from Southwest to Southeast will prevail with slight to moderate seas (0.6 to 2.5 meters).


Friday, May 5, 2023

NCIP satellite office sa Las Nieves, giturn-over na

LAS NIEVES, Agusan del Norte -- Gipangunahan ni Mayor Karen Rosales ang pag abli sa Satellite Office sa National Commission on Indigenous People (NCIP) sa lungsod sa Las Nieves, Agusan del Norte kaniadtong April 26.

Kauban sa mayor sa maong kalihokan si Dakula Randy Catarman, ang provincial IP mandatory representative (IPMR) sa Agusan del Norte. 

Mitambong usab si Hawudon Tandawon Armando H. Una, ang municipal IPMR sa Las Nieves, kauban sila si Engr. Cierona C. Molaan, ang acting provincial officer; Atty. Fritzie Lynne C. Sumando, ang regional legal officer sa NCIP Caraga; ug si Edgielit B. Pajarillo, CDO III.

Ang pag-abli sa NCIP satellite office miani og suporta gikan sa mga IP leaders sa lungsod ug sa probinsiya pinaagi ni Bae Nenita Porogoy-Umba, ang PICCIL chairwoman sa Agusan del Norte, ug ingon man gikan sa militar ug nagkadaiyang buhatan pinaagi nila ni PFC Ellafaz Signar sa 23RD IB, ug Robert Roquito N. Jugao, SB secretary sa Sangguniang Bayan.

Ang NCIP satellite office sa Las Nieves ang usa sa upat ka mga opisina sa Agusan del Norte nga gimugna aron mas mapaduol pa ang serbisyo sa NCIP ngadto sa mga tribong Higaunon ug Manobo sa lungsod.

Usa sa mandato sa NCIP mao ang pagvalidate sa indigenous political structure sa mga tribong grupo sa lungsod. 

Adunay 20 ka mga barangay ang Las Nieves ug sumala sa datos sa NCIP, siyam niini ang pinoy-anan sa mga Manobo ug 11 usab ang gilangkoban sa tribong Higaunon. 

Sa 20 ka mga barangay, unom pa niini ang validated na ug pito pa ang initially validated. 

Ang maong proyekto gipasigarbo  sa mayor tungod kay kini resulta sa hiniusang paningkamot sa lokal nga panggamhanan ug sa NCIP.

“Dinhi manukad ang atong hiniusang lakang alang sa pagsulbad sa mga problema nga gisagubang sa atong mga tribo dinhi sa Las Nieves,” padayag sa mayor.

Gipasalamatan usab niya ang suporta nga gipaabot ni Regional Director Ordonio P. Rocero Jr. sa NCIP Caraga ug ang maayong pagdumala niini sa maong buhatan nga nakatabang og dako sa mga tribo sa lungsod.

Nagpadayag usab si IPMR Una sa iyang pagtimbaya alang sa kalamposan sa maong proyekto.

"Dako akong pasalamat nga namugna na kini nga buhatan nga among kadangpan,” matud pa ni Una.

Si IPMR Catarman usab nagpamatuod sa tinuoray nga pag-alagad sa panggamhanan ngadto sa mga tribo sa Agusan del Norte ug sa Las Nieves.

“Kini usa ka dakong buhi nga ebidensya og giunsa ta pagtagad sa atong gobyerno,” matud pa ni Catarman.

Nagpaabot usab sa ilang pagtimbaya ang mga miembro sa tribong Manobo ug Higaunon sa Las Nieves pinaagi sa ilang mga lideres atol sa pag-abli sa satellite office.

“Dako akong pasalamat nga na abri kini nga buhatan kay anaa na kami kaduolan nga makaabag kanamo,” sumala pa ni Lopez nga gikan sa tribong Manobo.

Ang NCIP Satellite Office nahimutang sa Old Municipal Government Complex, Purok 4, Poblacion, Las Nieves, Agusan del Norte.

Nagtinguha ang NCIP nga pinaagi sa satellite office, makahatag kini og dugang nga mga serbisyo sa mga tribu sa lungsod sama sa legal, health services, ug uban pa. (LGU Las Nieves/PIA Agusan del Norte)