Balangay 2023 Triathlon pagahimoon sa Butuan
Aquino
DAKBAYAN SA BUTUAN -- Suportado ni Butuan-Agusan del Norte First District Representative Jose Aquino II ang Balangay 2023 Triathlon kauban ang lokal nga panggamhanan sa Butuan pinaagi sa City Sports Office ug pribadong organizers.
Sa karon, niabot na sa 238 ang nakarehistro nga mosalmot sa triathlon gikan sa lain-laing syudad ug munisipyo sa rehiyon sa Caraga, Mindanao ug Visayas hinungdan hugot ang mga pagpangandam pinaagi sa coordination meeting tali na sa mga organizers, City Sports Office, Butuan City Police Office, Philippine Coast Guard, Philippine National Police Maritime, Bureau of Fire Protection ug Congressman’s Office. Gipasiguro ni Mayor Ronnie Vicente Lagnada nga mahimung hapsay labina ang security ug safety plan niini.
Ang swimming event sa Balangay 2023 Triathlon ipahigayon sa Manapa Buenavista Agusan del norte dayon sundan sa cycling event nga muagi sa Barangay Bancasi rotunda padulong sa Barangay Antongalon balik padulong Barangay Bonbon ug ang running event mapahigayon sa sentrong bahin sa syudad asa ipatuman ang half lane road closure nga idumala sa Land Transportation Traffic Management Office (LTTMO).
Ang Balangay 2023 Triathlon usa sa nakalinyang aktibidad sa selebrasyon sa Balangay Festival 2023 sa syudad sa Butuan. (Butuan City PIO/PIA Agusan del Norte)
#ButuanON
#ACityAscending
