Cabadbaranons gisaulog ang Adlaw sa mga Beterano
Atol sa maong program gipahigayon usab ang Awarding of the Plaque of Posthumous Memorial Recognition sa lima (5) ka mga kanhi beteranong Cabadbaranon nga nakahatag ug dakung kabahin sa kagawasan sa panahon sa Spanish-Japanese-American Regime, nga mao sila si Atty. Tranquilino Jiz de Ortega, Lt. Plenio M. Atega, Capt. Benjamin M. Famador, Atty. Perfecto L. Cagampang ug Judge Jose R. Villanueva.
Ang maong kalihukan gitambongan a mga myembro ug opisyales sa Cabadbaran City Historical Society, Board Member Atty. Ryan Jade Lim, City Officials sa pagpanguna ni Vice Mayor Rey Jamboy , Department Heads ug mga empleyado sa syudad, mga beterano ug pamilya niini sa panahon sa World War ll, Barangay Officials, ug uban pang mga bisita.
Nahimong guest speaker ang local historian nga si Florante More, kon diin iyang gisaysay ang kinabuhi sa lima ka mga gipasidunggang beteranong Cabadbaranon uban ang presensya sa tagsa-tagsa ka mga pamilya niini nga mapasigarbohong midawat sa maong pasidungog.
Samtang ang 83 ka tuig nga karaang balay ni Don Matias Tirador ang nahimo usab nga kabahin sa kasaysayan sa pakigbisog sa mga beteranong Cabadbaranon sa karaang panahon. (Roselyn Gangca Exaure ug Winworth Flores, Cabadbaran City/PIA Agusan del Norte)
