(PAGASA 24-HOUR PUBLIC WEATHER FORECAST as of Thursday, 13 June 2024) Easterlies affecting the eastern sections of Southern Luzon, Visayas, and Mindanao. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southwest to Southeast will prevail with slight to moderate seas (0.6 to 2.1 meters).

Thursday, April 6, 2023

Kapulisan sa AgSur naka full alert sa Semana Santa 2023

PROSPERIDAD, Agusan del Sur – Sa pakighinabi sa Philippine Information Agency (PIA) Agusan del Sur Information Center ngadto kang Police Lietenant Colonel (PLtCol) Jude Cres G. Milan, ang kasamtangang public information officer (PIO) ug hepe sa Police Community Affairs and Development Group (PCADG) sa Agusan del Sur Police Provincial Office (ADSPPO), nahisgutan niya ang mga direktiba sa mga kapulisan sa tanang yunit sa Agusan del Sur isip pagpangandam karong Semana Santa o Holy Week.


"Hugtanong gipaabot ang full alert status sa mga kapulisan sa Agusan del Sur sugod sa mga personahe ngadto sa mga station level ang pag render ug serbisyo sa mga katawhan 24/7 isip kabahin sa atong pag-monitor ug pagmintenar sa kahapsay sa obserbar sa Semana Santa," sigun ni PLtCol. Milan.


Lakip usab niini, mipadayag sya sa mga katawhan sa probinsya sa mga angay nga buhaton hilabi na ngadtu sa mga katawhan nga mubiyahe sa laing probinsya nga kanunay gayud mag amping sa tanang aspeto. 


"Permi gayud naga pahimangno ang kapulisan sa mga safety tips nga angay buhaton hilabi na sa mga katawhan nga mubiyahe sa ilang nagkadaiyang lugar nga magpabiling mag-amping kanunay ug likayan ang pag-post sa social media kung adunay lakaw. Lakip paman niini dili gayod kalimtan ang mga hotline numbers sa kapulisan kung asa man gale nga lugar muadto para dali ra ma respondehan sa kapulisan kung aduna may mahitabong insidente," dugang ni Milan.


Iya usab gihisgut ang assessment sa mga publikong terminal nga aduna gayud mga kapulisan naka-detalye sa mga terminal ug gaserbisyo baynte-kwatro (24) oras para luwas ug layo sa peligro ang mga katawhan nga mubiyahe. 


"Sa pagka karon, adunay 435 ka personahe sa kapulisan sa Probinsya ang naka-deploy sa mga terminals ug sa mga pampublikong lugar bisan paman sa mga simbahan," sigon ni Milan.


Aduna usab gipatuman ang kapulisan nga ‘Iglesya Bisiklita’ sa tibuok nasod sa Pilipinas nga diin ang mga kapulisan maga-ronda sa palibut gamit ang bisiklita para mapatoman ug mapadayon ang kahapsay sa kumonidad.


"Rest assured nga ang mga kapulisan sa atong probinsya, even sa regional ug national police force, andam gayud kanunay muserbisyo sa tanang katawhan 24/7 ug ipaabot usab nako sa mga katawhan nga ang responsibilidad para ma likayan ang krimen dili lang sa kapulisan kundili aduna usab kitay responsibilidad nga bantayan atong kaugalingon isip sibilyan," katapusang padayag ni Milan. (JPG/KED/PIA-Agusan del Sur)