(PAGASA 24-HOUR PUBLIC WEATHER FORECAST as of Monday, 04 March 2024) Northeast Monsoon affecting Luzon. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur, will experience partly cloudy to cloudy skies with isolated rainshowers or thunderstorms due to Easterlies/Localized Thunderstorms. Possible flash floods or landslides during severe thunderstorms. Moderate to strong winds coming from Northeast to East will prevail with moderate to rough seas (1.2 to 2.8 meters).


Monday, April 3, 2023

Chess Development Program, gilunsad sa AgNor

DAKBAYAN SA BUTUAN -- Gilunsad sa pagpanguna sa Congressional District Office ni Kongresista Dale B. Corvera ang Provincial Chess Development Program isip suporta sa gipunting sa chess enthusiasts sa probinsya nga himoon ang Agusan del Norte nga “Chess Capital" sa Caraga. 

Gilunsad ang maong programa dala ang suporta sa probinsyal nga panggamhanan ubos sa liderato ni Gob. Ma. Angelica Rosedell M. Amante ug mga mayor sa Cabadbaran City ug sa 10 ka mga lungsod sa probinsya. 

Aron mahimong chess capital sa Caraga kinahanglang makakuha og lapad nga suporta ug makahulma ug mga rated players ang probinsya, sumala pa sa kongresista. Niini, kinahanglang mag-develop og players sa komunidad ug mga eskwelahan. Ug aron mahimo kini, kinahanglan nga naay regular chess development program nga nagasuporta sa mga chess enthusiasts, dugang sa kongresista.

Ipadayon ni Corvera ang pagsuporta sa organizational development sa provincial ug municipal levels nga maoy usa sa nasugdan paghimo sa iyang buhatan ubos ning maong programa pinaagi sa pagpahiluna sa bag-ohay pa lang na-organisa nga Agusan del Norte Chess Club. 

Ikaduha nga mahimong suporta mao ang pagpasiugda og regular nga mga tournaments. Dinhi, gipahibalo ni Corvera nga himoon ubos sa programa ang chess tournaments sa municipal level atol sa founding anniversary sa probinsya sa Agusan del Norte sa Hunyo 12-17, 2023 ug sa provincial level, sa Hunyo 27, 2023.

Gipahibalo usab sa kongresista nga isip bunga sa pagtambayayong sa gobernador nga P500,000 na tanan ang mga premyo nga makuha sa mga modaug sa tournament. Gikan sa P30,000 lang nga premyo sa champion P50,000 na kini karon ug gikan sa P5,000 nga first prize sa municipal level tournament, P10,000 na kini karon. Gidak-an usab ang ubang mga premyo, apil na ang consolation prizes, dugang sa kongresista.

Apil usab sa gikinahanglan aron manguna ang Agusan del Norte sa Caraga, ipadayon ni ang suporta sa magdudula sa chess pag-apil sa mga turneyo sa regional, national ug international levels.

Kini nga mga serbisyo ang sumala pa ni Corvera nga mapadangat ubos ning gipahiluna sa iyang buhatan nga chess development program. (Agusan del Norte 2nd Congressional district Office, hulagway kuha nila ni Jenny Fabian ug Nibika Calixtro/PIA-Agusan del Norte)