Trabaho ubos sa programang TUPAD gisugdan na usab sa Agusan del Norte
DAKBAYAN SA BUTUAN -- Laing 331 ka lumulupyo sa Syudad sa Cabadbaran ang nagsugod na usab sa ilang trabaho ubos sa Tulong Panghanapbuhay sa Ating mga Displaced/Disadvantaged Workers (TUPAD) kaniadtong Marso 21.
Apil ang 102 ka residente sa lungsod sa Santiago nga nagsugod na usab, mosuma sa 434 ang naay temporaryong trabaho, kabahin sa 1,431 tanan sa tibuok distrito nga apil ning unang hugna sa TUPAD ning tuiga.
Ubos sa TUPAD nga gipadagan sa Department of Labor and Employment (DOLE) sa pakig-alayon sa buhatan ni Kongresista Dale B. Corvera makatrabaho ang usa ka disadvatanged worker sulod sa 10-15 ka adlaw sa sweldo nga P350 ang adlaw.
Gisugdan ang 15 ka adlaw nga trabaho ning maong hugna sa TUPAD sa Cabadbaran sa usa ka orientation nga gihimo ganihang buntag, ngadto na sa ilang trabaho pagpalambo sa demonstration farm sa syudad, bagging sa mga seedling sa lain-laing high value crops ug pagpananum og gulay. (Agusan del Norte 2nd Congressional District Office, hulagway kuha sa Cabadbaran City Public Employment Services Office/PIA Agusan del Norte)
