Farmers Field Day sa soybean production malampusong gipahigayon sa Dinagat Islands
SAN JOSE, Dinagat Islands -- Pag edukar ug pagpalambo sa kahibalo nga may kalambigitan sa pag pananom og soybeans ang sentro sa diskusyon atol sa gipahigayong Farmers Field Day on Soybeans Production sa Barangay Justiniana Edera, Dinagat Islands niadtong Pebrero 24, 2023.
Ang maong kalihukan gipasiugdahan sa Department of Agriculture (DA) ug sa pakig alayon sa Office of the Provincial Agriculturist (OPAG) engon man ang mga kawani sa Region 10.
Tumong niini nga matudloan ang mga mag uuma sa haom ug episyenteng pamaagi sa pag harvest ug pag pananom og soybeans. Subay sa nasayran, ang soybeans isa ka tanom nga makahatag og daghang kaayuhan sa pang lawas ug mamahimo usab kini nga kalan-on sa mga kahayupan ug uban pa.
Adunay gilapdon nga 70 hectares nga Luna sa Yuta sa barangay Justiniana Edera alang sa maong pagpa nanom.
Atol sa maong kalihukan gi-paambit ni Tijani B. Auxtero, Sr. ngatod sa mga mag uuma ang kahibalo sa pag pananom og soybeans diin gitudloan niya kini sa episyenting pamaagi alang sa malambuon nga pag pananom. Gisugyot niya nga mas haom sa bulan sa Marso, Abril ug Mayo ang pagpananom niini.Gihatagan niya og mga basahon ang mga mag uuma agi'g dugang pang kahibalo mahitungod sa soybeans.
Sigon pa ni Noli G. Orog, Sr. Agriculturist, DA-Caraga Region, nga dako iyang pasalamat sa opportunidad nga gihatag agi'g pag paambit sa kahibalo ngadto sa mga mag uuma.Gipaabot usab niya nga ang soybeans isa ka butang nga maka pataas ug makapa dako sa kita.
Matud pa ni Rey U. Frias, Agricultural Center Chief II PDI, APCO DA Caraga Region, nga isa ka estratihiya ang soybeans aron masuportahan ang team bahog diin isa ka programa ni director, Engineers Ricardo M. OΓ±ate, Jr. sa provincia nga boot eduso ngadto sa Caraga region, engon man ang vision niini nga ang katawhan diri na sa probinsya mag palit ug bahog.Lakip niyang gi sugyot nga sa tuig 2024, adunay target nga P3 milyones para sa makina nga gamiton alang sa soybeans.
Matud pa sa isa ka mag uuma nga si Wilfredo C. Tiu nga malipayon siya sa ipahigayon nga soy laboratory diin dugay na kini nga gipangandoy sa mga mag uuma sa Probinsya.
Matud pa ni Probinsya Board Member, Ailong Conrad Dela Cruz nga dili angayan mabalaka ang mga mag uuma diin supportado kini sa Gobernador ug mga opisyales sa probinsya.lakip niyang gisangyaw nga padayon ilang panlantaw alang sa kaayuhan sa mga mag uuma.
Gipasabot ni Rico B. Galinato, Office of the Provincial Agriculturist(OPAG) Officer,ang mahitungod sa Soybeans ug feed meals diin matud pa daghan kaayo kaayuhan ang soybeans.Gipasalamatan niya ang team Caraga sa paghatag niini ug higayon sa probinsya nga maka stablish ug soybeans nga produkto.
Samtang sa iyang bahin nag malipayon si Punong Barangay, Merna O. Capison sa programa kabahin sa soybeans diin dako kini nga tabang sa mga mag uuma, ug iya kini nga gipang hinaot ang pag angat sa mga mag-uuma. (PIO- Dinagat Islands/PIA-Dinagat Islands)
