(PAGASA 24-HOUR PUBLIC WEATHER FORECAST as of Monday, 22 July 2024) At 3:00 AM today, the Low Pressure Area (LPA) was estimated based on all available data at 135 km West Southwest of Calapan City, Oriental Mindoro (13.1°N, 120.0°E). Meanwhile, another LPA was estimated based on all available data at 880 km East of Eastern Visayas (11.1°N, 133.8°E). 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due to Southwest Monsoon. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to Moderate winds coming from Southwest to Southeast will prevail with slight to moderate seas (0.6 to 2.5 meters).


Thursday, March 16, 2023

Mga babaeng dating rebelde, isiniwalat ang kanilang karanasan at paano nila binitawan ang CTG movement

Ni Jennifer P. Gaitano

LUNGSOD NG BUTUAN -- Nakapagbahagi ng kani-kanilang karanasan ang ilang dating myembro ng Communist Party of the Philippines – New People’s Army (CPP-NPA) sa isinagawang online activity na pinamagatang “Unmasking the truth: A forum on communist terrorist group exploitation of the women sector.”

 

Pinangunahan ito Regional Task Force to End Local Communist Armed Conflict o RTf-ELCAC ng Caraga Region.

 

Ang mga kababaihang ito ay minsan nang napaniwala ng cpp-npa na tama ang kanilang ipinaglalaban ngunit kalaunan ay mas naging mahirap pa ang kanilang sitwasyon sa loob ng kilusan, dahilan ng kanilang pagsuko sa gobyerno.

 

“Ang mga babae ang madalas ginagawang vanguard sa pag-organize ng civilian group. Sila ‘yung nangunguna sa mga propaganda dahil madali nitong nakukumbinsi ang mga sibilyan na sumanib sa kanilang grupo. Mahirap talaga ‘yung aming naranasan kasi madalas nalilipasan kami ng gutom at napapabayaan na namin ang aming mga sarili lalo’t may operasyon sa bundok,” salaysay ni alias “yang-yang” na dating NPA.

 

“Napagtanto ko na tama ang aking desisyon na umuwi at magbalik-loob sa gobyerno. Sa part ko bilang babae, lalo na ngayon na dinaraos natin ang buwan ng kababaihan, hindi tayo dapat matakot dahil ang gobyerno ay may nakahandang programa para sa mga babae,” ani Pvt. Rosel Borimbao, dating miyembro ng NPA.

 

May panawagan din si Pvt. Cheryl Dalaguan na dating aktibista na ngayon ay sundalo na ng Philippine Army. Hinikayat niya ang mga aktibo pa sa komunistang grupo na sumuko na at huwag sayangin ang buhay sa NPA. “Nasa bawat isa sa atin ang solusyon at kung papaano natin maipapaalam sa iba na ang ctg ay wala talagang mabuting maidudulot sa ating buhay.”

 

Para naman kay Regional Director Edsel Batalla ng National Intelligence Coordinating Agency (NICA) Caraga at siyang chairperson ng Situational and Knowledge Management (SAKM) Cluster, dapat pantay-pantay ang pagbigay oportunidad sa mga babae at lalaki at nang maging maayos at matiwasay ang pamumuhay nito sa komunidad.

Garcia

Samantala, binigyang-puri naman ni Regional Director Venus Garcia ng Philippine Information Agency (PIA) Caraga, at chairperson ng Strategic Communications (STRATCOM) Cluster ang lahat ng kababaihang matapang na hinarap ang publiko at isiniwalat ang kanilang mapait na karanasan sa kilusan, upang matigil na ang pang-rerecruit at pagmanipula ng npa sa kababaihan.

 

“Magpapatuloy ang PIA sa pagpapalaganap ng katotohanan sa publiko. Ang mga kwentong ito ng ating mga magigiting at matatapang na mga kababaihan ay dapat malaman ng lahat upang sa ganoon ay maraming makaalam at mamulat sa karahasang naidudulot ng CTGs sa lipunan,” pahayag ni Dir. Garcia. (JPG/PIA-Caraga)