SuRe-ARC naghatag ug bag-ong paglaum sa mga mag-uuma sa sitio sa AgNor
DAKBAYAN SA BUTUAN -- Naghatag og bag-ong paglaum alang sa mga residente sa Sitio Cadahon-dahonan, Santiago, Agusan del Norte aron mahatagan og kasulbaran ang dugay na nilang yango-ngo na dugang mga proyekto ilawom sa programang SuRe ARCs (Sustainablity and Resilient Agrarian Reform Communities) sa ilang dapit atol sa pag-bisita sa mga personahe sa Department of Agrarian Reform (DAR) ning probinsya sa Agusan del Norte ilawom sa mando ni Provincial Agrarian Reform Program Officer (PARPO) II Glen A. Petilla.
Matud pa ni Ellen J. Torralba, chief Agrarian Reform Program Officer (CARPO) sa Program Beneficiaries Development Division (PBDD), nagkanayon nga ang ahensya nag-gahin og pundo aron mahatagan ang mga mag-uuma sa abaca sa kagustuhan nga makabaton og dugang semilya o sucker sa abaca inubanan sa tukmang pagbansay-bansay o trainings ug ayudang pinansyal lakip na ang gikauyonan nga mga farm equipment.
Dugang pa ni CARPO Torralba ang dapit sa Sitio Cadahon-dahonan mao'y napili nga bisitahan aron makita ang supporta sa mga katawhan ug ang ilang kasibot nga mahatagan og katumanan ang dugay na nilang mga damgo nga kalamboan.
Ang Sitio sa Cadahondahonan usa sa pipila ka mga dapit sa Agusan del Norte diin kanhi napili ilawom sa proyekto na Project ConVERGE (Convergence on Value-Chain Enhancement for Rural Growth and Development). Ang naasoy nga dapit gitunolan sa milyones nga farm-to-market road, mga pagbansay-bansay sa kooperative, ug ayuda pinansyal alang sa ilang abaca production. (DAR-Agusan del Norte/PIA-Agusan del Norte)
