(PAGASA 24-HOUR PUBLIC WEATHER FORECAST as of Tuesday, 18 June 2024) Southwest Monsoon affecting the western sections of Southern Luzon and Visayas. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to South will prevail with slight to moderate seas (0.6 to 2.1 meters).


Tuesday, February 21, 2023

AguSerbisyo Caravan matag barangay sa Agusan del Norte ipatuman

DAKBAYAN SA BUTUAN -- “Himoon na nga matag barangay ang AguSerbisyo Caravan aron mas matutukan ug maatiman ang medikal nga panginahanglanon sa katawhan kada barangay,” kini ang gibutyag ni Gob. Angel Amante niadtong Pebrero 10, 2023 sa Barangay Tinigbasan, Tubay human gihimo didto ang pinakaunang caravan sa probinsya niining tuiga 2023. 

Kini nga pamaagi matod pa himoon sa sunod nga hugna sa caravan karong bulan sa Marso 2023 tungod sa personal nga obserbasyon ni Gob. Angel niadtong tungura sa pagdagsa sa mga residente sa maong lungsod nga nanginahanglag tabang medikal, mabata man o hamtong.

Matod pa sa Provincial Social Welfare and Development Office pinaagi ni PSWDO Chief Silver Joy B. Tejano, upat ka coastal barangay ang lakip niadtong caravan, ang Barangay Tinigbasan, Lawigan, Binuangan, ug Tagpangahoy sa Tubay. Apan tungod matod pa sa kalayo sa maong lugar nga lisod pag-adto sa pinakaduol nga ospital sa mga pasyente, wala damha sa Panggamhanang Probinsyal ang kadaghanon sa miadto niadtong lugara aron mo-avail sa mga serbisyo sa AguSerbisyo Caravan Program.

Tungod niini, gimando ni Amante nga sunod bulan sa Marso, bisitahon pagbalik sa caravan ang mga coastal barangay sa Tubay ug himoon kini nga matag barangay aron mas maatiman sa probinsya ang mga nanginahanglag medikal nga atensyon.

Dugang pa sa gobernador, paningkamotan niya nga madugangan ang serbisyo medikal sa programa aron maatiman usab ang kadtong mga pasyente nga nanginahanglag espesyal nga atensyong medikal sama sa Electrocardiogram (ECG) ug uban pa. Nabati matod pa niya ang panginahanglanon sa katawhan ug mikomitar kini sa pagpalapad pa sa serbisyo ubos sa AgSerbisyo Caravan Program aron mas daghan pa ang matabangan sa Panggahnang Probinsyal ilabi na sa mga hilit nga dapit ning probinsya.

Niadtong tungura, gawas sa medikal ug dental nga serbisyo, nag-apod-apod usab og food packs (bugas ug delata) sa 895 ka mga panimalay ang Panggamhanang Probinsyal sa mga residente sa upat ka nasangpit nga mga barangay. Aduna usab libreng seedlings ang gihatag ang Provincial Agriculture Office pinaagi ni PAO chief  Alvin P. Aclan, libreng sinina ug libreng pagbansay kabahin sa paghatag first aid ang Provincial Disaster Risk and Reduction and Management Office pinaagi sa hepe niini nga si Ms. Erma R. Suyo; libreng tuli, medical/physical check-up ug mga tambal sa Provincial Health Office pinaagi ni Dr. Odelio Y. Ferrer, libreng gupit sa Philippine Army-Caraga, libreng lice shampoo sa mga batang adunay kuto diin personal nga gikaligoan sa mga personahe sa PNP-Agusan del Norte, ug uban pang serbisyo.

Gawas kang Amante, mitambong usab niadtong adlawa ang mga miyembro sa Sangguniang Panlalawigan sama nila Nieva  Famador, Erwin Dano ug Inez Rosario Amante; Tubay Mayor Jimmy R. Beray kauban ang mga opisyales sa maong lungsod; Provincial Administrator Elizabeth Marie Calo,  Brig. Gen. George Banzon sa 91st Infantry Brigade sa Philippine Army, Provincial Director Filemon Pacios sa PNP-Agusan del Norte. Atua usab ang mga hepe sa matag buhatan sa probinsya, personahe sa Provincial Veterinary Office, Technical Education Skills Development Authority (TESDA)-Agusan del Norte, Philippine Information Agency (PIA)-Agusan del Norte, ug mga opisyales sa upat ka mga barangay. (JVDemain, LGU Agusan del Norte/PIA Agusan del Norte)