Resolusyon sa Haleth Promotion Framework Strategy aprobado na sa SP Butuan
DAKBAYAN SA BUTUAN -- Gi-aprobahan na sa Sangguniang Panlungsod sa Butuan City sa pagdumala ni Vice Mayor Lawrence Fortun ang SP Resolution no.010-2023 o ang resolusyon nga pag adopt sa Health Promotion Framework Strategy sa tuig 2030 sa City-Wide Health System sa Butuan City pinasubay sa RA no. 11223 o ang Universal Health Care Act.
Ang resolusyon gipangamahanan ni City Councilor Eduardo Gonzalez uban sa hiniusang pwersa sa Sangguniang Panlungsod sa syudad sa Butuan sa hugot nga suporta ni Vice Mayor Fortun aron mapalambo ug matutukan ang sistema sa paghatag sa nag-unang gikinahanglang health services sa tanang komunidad sa syudad sa pagpanguna sa City Health Office subay sa direktiba ni Mayor Ronnie Vicente Lagnada sa pag-abag sa DOH, lain-laing sektor, academe ug organizations.
Paagi sab kini aron mapromote ang health literacy ug healthy lifestyle sa komunidad ug ang pagprayoridad sa paghatag sa mga interbensyon aron matubag ang mga risgo isip paagi nga malikayan ug makontrola ang mga sakit.
Sa pagpatuman ug pagpalambo sa health services sa kinatibuk-an magsumikad kini sa national health promotion roadmap asa himuong basehan ang tanang palisiya sa health promotion, programa ug lain-laing aktibidad gikan sa national, regional ug local levels nga langkuban sa diet and physical activity, environment health, immunization, substance abuse apil ang pagamit sa tobacco, alcohol ug illicit drugs, mental health, sexual ug reproductive health ug violence ug injury prevention.
Mahinumduman nga ang City Health Board hiniusang giaprobahan pinaagi sa resolution no. 07 series of 2022 ang pag adopt sa Health Promotion Framework Strategy 2030 sa City-wide health system sa Butuan. (Butuan City PIO/PIA Agusan del Norte)
