(PAGASA 24-HOUR PUBLIC WEATHER FORECAST as of Saturday, 11 April 2026) inning: 05:00 AM today until 05:00 AM Tomorrow. Weather: Mindanao will have partly cloudy to cloudy with isolated rainshowers or thunderstorms due to Localized Thunderstorm. Possible flash floods or landslides during severe thunderstorms. Light to moderate winds from the northeast to northwest with slight to moderate seas (0.6 to 1.8 meters). Localized Thunderstorms ang makaapekto sa rehiyon sa Caraga.


Monday, February 6, 2023

Balaudnon nga maghimo sa Cabadbaran CWRFR nga protected landscape, gipasaka ni Kongresista Corvera 

Covera
DAKBAYAN SA BUTUAN -- Gipasaka ni Kongresista Dale B. Corvera sa ikaduhang distrito sa Agusan del Norte ang balaudnon nga maghimo sa Cabadbaran River Watershed Reserve (CWRFR) nga protected landscape (House Bill No. 6963).

Ang 16,025 ektarayas nga masakop sa ilhon unya nga Cabadbaran-Santiago Protected Landcape nagsilbing tinubdan sa tubig sa mga irigasyon alang sa mga mga uma ug alang sa mga panimalay sa Cabadbaran, RTR ug uban pang mga mga silingang lungsod. Habitat o pinuy-anan usab kini sa daku og importansya nga mga flora ug fauna ug tibudan sa panginabuhian sa mga sakop sa tribung Mamanwa ug Manobo nga nanimuyo sa lugar. . 

Tungod sa importansya sa maong forest reserve gideklara kini pinaagi sa usa ka ordinansa sa lokal nga panggamhanan sa Cabadbaran nga forest reserve niadtong 1986. Gidasonan kini niadtong 1991 sa usa ka  Presidential Proclamation. 

Apan bisan pa man niini nga mga deklarasyon, padayon ang illegal nga kalihukan sa reserved forest area, apil na ang illegal logging ug pagpanguha og ubang forest products, illegal nga pagpangayam, illegal nga mina ug illegal nga pagsulod sa mga migranteng mag-uuma ug pumupuyo, mao nga kinahanglan kining maong balaud. (Agusan del Norte 2nd Congressional District Office/PIA-Agusan del Norte)

 

Posted by at