(PAGASA 24-HOUR PUBLIC WEATHER FORECAST as of Sunday, 23 June 2024) Southwest Monsoon affecting the western sections of Southern Luzon and Visayas. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to South will prevail with slight to moderate seas (0.6 to 2.1 meters).

Monday, February 27, 2023

Educational Assistance, daku kaayong tabang sa mga estudyante ug mga ginikanan

DAKBAYAN SA BUTUAN -- “Daku kaayong tabang.”

Kini ang kasagarang tubag sa 463 ka indigent graduating senior high school ug college students nga niadto sa mga payout centers sa mga lungsod sa Kitcharao, Tubay ug RTR aron dawaton ang P4,000 nga educational assistance, usa sa mga serbisyo nga gipahiluna sa buhatan ni Kongresista Dale B. Corvera sa pakig-alayon sa Department of Social Welfare and Development (DSWD).

Daghan ang miingon kulang kini kung itandi sa kadaku sa panginahanglan, apan daku kaayo kining tabang ug niini mapasalamaton sila kang sa kongresista. 

Gidasonan ang maong mga pasalamat sa mga mayor nga mitambong sa payout sa ilang tagsa-tagsa ka lungsod ug sama sa mga estudyante ug ubay-ubay ka ginikanan nga nagrepsentar sa mga estudyante nga wala pa mag edad 18 nagkanayon nga daku kaayo kining tabang.

Sumala pa kang Mayor Richard Daquipil sa RTR, maingon nga tipik ra ang kantidad sa kinahanglanan apan ubay-ubay ang masulbad niini ug niini nagpasalamat siya kang Kongreista Corvera ning maong inisyatiba.

Kini usab ang gipadayag nin Mayor Jenrey Montante sa Kitcharao. Dugang ni Montante nga daku na kaayong tabang ang maong kantidad pagtubag sa inadlaw-adlaw nga panginahanglan.

Si Mayor Jimmy Beray sa Tubay nagpasalamat usab dili lang tungod sa paningkamot sa kongresista  pagpadangat og educational assistance kon dili apil na sa lain pang mga proyekto sama sa paningkamot sa naulahi nga mamugna ang tulay nga magkonekta sa Tubay ug Syudad sa Cabadbaran.

Si Corvera mismo nasayud nga tipik ra ang maong kantidad sa panginahangalan alang sa edukasyon sa daghang kabataan sa probinsya. 

Gikasubo ko nga dili gyod nato matubag dayon tanan. Apan padayon ang atong paningkamot nga makaangkat pa og dugang pundo alang niini,” sumala pa sa Kongresista sa inyang mensahe nga gibasa ni Cabadbaran City Councilor Leo Dale “JamJam”, iyang anak, nga nagrepresenta kaniya sa mga lungsod sa Kitcharao ug Tubay.

“Nahibawo kita sa kalisud nga dala sa paghapak sa COVID-19”, dugang pasabot sa kongreista. “Miubos na ang kakuyaw sa pandemya apan nag-recover pa kita ning higayona ug nasabtan ko ang kalisud sa atong mga ginikanan sa mga galastuhan alang sa edukasyon sa ilang mga anak. Kini ang hinungdan nga naningkamot gyod ang akong buhatan nga makapadangat ning maong educational assistance ning higayona”.

Alang kang Corvera tataw ang iyang gipanukaran mao nga todo ang iyang paningkamot aron makapadangat sa maong educational assistance sa distrito.

“Ang pagsuporta sa mga residente sa probinysa nga makabaton og kahibalo ug kahanas aron mahimong produktibo butang nga sa kanunay gihimo kong prayoridad,” sumala pa ni Corvera. Apil sa maong suporta, iyang dugang, “mao ang pagpadangat og hinabang pinansyal nga hinabang nga magamit sa atong mga estudyante sa ginagmay nga galastuhan, sama sa pamasahe ug pangpalit og mga gamit sa pagtungha”.

Alang ning hugna sa educational assistance karon, nakapagahin ang buhatan ni Corvera og P10 milyones pinaagi sa partner niini sa maong serbisyo, ang DSWD. 

Sa tag P4,000 matag benepisyaryo, mosuma sa 2,500 ka estudyante ang makadawat sa maong educational sa tibuok distrito. Ang makadawat niini mao ang mga indigent graduating Senior High School ug mga estudyante sa kolehiyo ug ang gidaghanon sa makadawat niini sa matag lungsod nagadepende sa proportion sa population niini sa total nga population sa distrito.

Sa 463 ang nakadawat sa payouts, 153 niini sa Kitcharao, 186 sa Tubay ug 124 sa RTR.  

Apil ang 295 nga nakadawat sa miaging semana, mosuma na kini sa 758. Una nang nakapadangat sa 161 ka mga estudyante sa lungsod sa Carmen ug 124 sa Magallanes sa miaging semana.

Magpadayon ang pagpadangat sa 1,742 pa ka benepisyaryo sa mga lungsod sa Santiago, Jabonga, Nasipit, Buenavista ug sa Syudad sa Cabadbaran sa mosunod nga mga semana.

Dugang pasabot ni Corvera nga ang maong serbisyo dili scholarship apan nag-komplimento o nagsuporta sa scholarship program sa probinsya sa Agusan del Norte, ubos sa liderato ni Gob. Ma. Angelica Rosedell M. Amante.

Gipanghingusgan ni Corvera sa iyang mensahe nga kinahanglan gyod kining maong suporta aron makatabang nga makakab-ot og edukasyon ang ubay-ubay sa mga Agusanon, mapahiluna sa regular nga trabaho, moangat ang kita, ug mahaw-as gikan sa kapobrehon. (Agusan del Norte 2nd Congressional District/PIA Agusan del Norte)