(PAGASA 24-HOUR PUBLIC WEATHER FORECAST as of Friday, 12 July 2024) Intertropical Convergence Zone (ITCZ) affecting Southern Luzon, Visayas, and Mindanao. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to ITCZ. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southwest to Southeast will prevail with slight to moderate seas (0.6 to 2.1 meters).

Monday, February 13, 2023

Vegetable growers sa Kitcharao gigahinan og P10M

DAKBAYAN SA BUTUAN -- Suportado ug mi-komitar si Provincial Governor Ma. Angelica Rosedell M. Amante sa Agusan del Norte sa badyet nga mokabat sa P10,000,000.00 alang sa usa ka proyekto sa lungsod sa Kitcharao.

Bag-o lang giaprobahan sa Sangguniang Panlalawigan ang paghatag otoridad kang Gob. Amante alang sa pagbalhin sa maong kantidad ngadto sa lungsod isip suporta sa mga vegetable growers pinaagi sa Kitcharao Livelihood and Employment Project sa pagpanguna ni Municipal Mayor Jenry E. Montante.

Sumala pa ni Municipal Agriculturist, Dr. Raul M. Del Agua, 115 kabuok ang mamahimong benefeciary sa maong proyekto diin tumong niini nga matagaag igong panginabuhian ang vegetable growers sa lungsod.

Ang maong proyekto nag tumong nga tagaan kinig trabaho ug bayaran sila sa ilang pag-atiman sa pag tanom, pag similya, pag mentenar hangtud sa pag harvest sa mga gulay.

Ang munisipyo isip maoy mag implementar uban sa pakigtimbayayong sa Provincial Agriculture Office mohatag og mga farm inputs sa mga beneficiary susama sa mga vegetable seeds, sprayer, fertilizer ug uban pang mga kinahanglan sa pagpananom.

Ang tabang pinansyal ipaagig roll-over scheme diin human sa pag-ani, ibalik sa farmer-beneficiary ang nagasto nga farm inputs ngadto sa munisipyo alang sa sustainability niini.

Pinaagi sa paningkamot ni Bise Gobernador Enrico R. Corvera, giaprobahan sa Sangguniang Panlalawigan ang hangyo sa gobernador ug gitugutan siya sa pagbalhin sa pundo gikan sa panudlanan sa probinsiya ngadto sa lungsod sa Kitcharao pinaagi sa Sanggunian Resolution No. 029-2023. (SVDeligero/Hulagway kuha sa Municipal Agriculturist, Dr. Raul M. Del Agua/LGU Agusan del Norte/PIA Agusan del Norte)