(PAGASA 24-HOUR PUBLIC WEATHER FORECAST as of Monday, 24 June 2024) Southwest Monsoon affecting the western sections of Southern Luzon and Visayas. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to South will prevail with slight to moderate seas (0.6 to 2.1 meters).

Friday, January 6, 2023

Upat ka miembro sa CPP-NPA sa Las Nieves, misurender

LAS NIEVES, Agusan del Norte -- Personal nga nakigpulong si Mayor Karen Rosales sa upat ka mga miembro sa walhong grupo atol sa ilang pormal nga pagsurender ngadto sa panggamhanan. 

Kauban ni Mayor Karen ang ubang lokal nga opisyales sa Las Nieves, Agusan del Norte ug ang mga miembro sa kapulisan nga giulohan ni PCapt. Auriel Lumasag.

Sa upat ka mga mi surrender, usa kanila ang residente sa Las Nieves nga nailhan nga si Cesar Corilla, Squad Leader, Platoon 2, Sub-Regional Sentro De Grabidad (SRSDG) Sagay, sa Sub-Regional Committee 3 (SRC-3), North Central Mindanao Regional Committee (NCMRC) sa New People’s Army (NPA).

Ang laing tulo ka mi surrender pulos mga babaye nga giila lamang sa ilang mga alyas nga “Dindin”, “Jamby”, ug “Nicky”.

Si Alias Dindin nagsilbi isip legal officer sa grupo sa mga mag-uuma ilalum sa Underground Mass Organization (UGMO) sa NPA samtang sila Alias Jamby ug Alias Nicky mga miembro sa SRSDG Sagay, SRC-3, NCMRC.

Sila si Alias Jamby ug Alias Nicky pulos mga mabdos atol sa ilang pagsurrender. 

Ila usab gi turnover sa atubangan ni Mayor Karen ang duha (2) ka mga AK-47 rifles ug laing duha (2) ka mga .38 revolvers.

Gipadayag ni Alias Dindin ang tumang kalisud nga ilang nasinati sa kabukiran samtang nakig-uban pa sila sa NPA, ang armadong pwersa sa Communist Party of the Philippines (CPP) ug sa National Democratic Front (NDF).

Iyang gidugang mga misamot pa ang ilang kalisud sa dihang hugtanong gipatuman sa panggamhanan ang Executive Order No. 70 ilalum sa administrayon ni kanhing Presidente Rodrigo Duterte.

Ang EO 70 nagmando sa kinatibok-an, hiniusa ug nasudnong pagningkamot sa tanang ahensiya sa panggamhanan, kauban ang mga lokal nga panggamhanan, sa pagwagtang sa mga teroristang grupo sa Pilipinas, ilabi na ang CPP-NPA-NDF.

“Tungod sa tumang kalisud, midangop kami sa Barangay Consorcia pinaagi ni Kapitan Wennie Loquinte aron mapahibalo sa awtoridad ang among pagsurrender,” matud pa ni Alyas Dindin.

Iyang gidugang nga buot na usab siyang mouli sa iyang pamilya aron makauban ang iyang mga anak nga dugay na niyang wala makita.

“Magbag-o na ko para sa akong mga anak. Ang importante alang kanako karon mao ang ilang kaugmaon,” gidugang pa ni Alias Dindin. 

Mainitong giabi-abi ni Mayor Karen ang mga kanhing rebelde uban sa pagdayeg sa ilang nahimong desisyon nga bag-ohon na ang ilang kinabuhi. 

“Nakita na gyud nato ang bunga sa atong mga pagpaningkamot, ilabi na sa Municipal Peace and Order Council sa Las Nieves nga mao ang nagpaduol sa mga serbisyo sa gobyerno ngadto sa mga lagyong barangay,” matud pa ni Mayor Karen.

Kung kahinumdoman, kaniadtong nobyembre 2022 lamang gipahigayon ang Las Nieves Cares Community Immersion Serbisyo Caravan sa lungsod diin isa sa mga barangay ang nahatagan sa serbisyo mao ang Barangay Consorcia.

Ang maong programa pinasikad gihapon sa EO No. 70 nga gitambongan sa nagkadaiyang ahensiya sa panggamhanan nga midala sa ilang mga serbisyo ngadto sa kabarangayan sa Las Nieves.

Mipadayag usab og kalipay si Barangay Kapitan Loquinte sa nahimong desisyon sa mga kanhing rebelde.

“Dako akong pagtimbaya nga ang atong mga kaigsoonan nga nakabig sa walhong grupo andam na gyud nga moanib sa gobyerno,” matud pa ni Kapitan Loquinte.

Mainiton usab nga gidawat sa mga opisyales sa Las Nieves ang mga mitahan nga mga rebelde. 

Isip suporta kanila, adunay gihatag nga mga foodpacks ug assistance gikan sa Municipal Social Welfare and Development Office. 

Human sa pakigpulong kang Mayor Karen, ang upat ka mga kanhing rebels pormal nga gi turnover ngadto sa 23rd Infantry Battalion (23IB) alang sa dugang pag proseso.

Ang 23IB maoy mopahigayon sa ilang pagpangandam aron sila ma enroll ngadto sa Enhanced Comprehensive Local Integration Program (ECLIP) sa panggamhanan. (LGU Las Nieves/PIA Agusan del Norte)