(PAGASA 24-HOUR PUBLIC WEATHER FORECAST as of Thursday, 09 February 2023) Northeast Monsoon affecting Luzon. Butuan City, Agusan del Norte, Agusan del Sur, Surigao del Norte, Surigao del Sur and Dinagat Islands will experience Partly cloudy to cloudy skies with isolated rainshowers or thunderstorms due to localized thunderstorms. Possible flash floods or landslides during severe thunderstorms. Moderate to Strong winds coming from Northeast will prevail with Moderate to Rough seas / (1.2 to 2.8 meters).


Wednesday, December 21, 2022

Balaudnon nga magmugna og Multi-Species Marine Breeding Farm ug Hatchery sa Cabadbaran ug Carmen, gipasaka ni Kongresista Corvera

DAKBAYAN SA BUTUAN -- Gipasaka ni Kongresista Dale B. Corvera ang mga balaudnon nga magpahiluna og multi-species marine breeding farm ug hatchery sa Syudad sa Cabadbaran ug sa lungsod sa Carmen, Agusan del Norte.

Gipahiluna ang maong mga balaudnon, House Bill Numbers 6689 ug 6690, ang maong mga proyekto alang sa gikinanghlang fingerlings pagpataas sa produksyon sa isda sa probinysa sa Agusan del Norte.

Ipatuman ang maong proyekto sa pagpanguna sa Bureau of Fisheries and Aquatic Resources (BFAR).

Ang proseso sa pagpahiluna sa maong proyekto mao nga mo-komiter ang Local Government Unit og luna sa yuta alang sa hatchery unya tun-an kung haum ba kini alang sa maong proyekto. Kung haum, himoan kini og feasibility study. Kung mopasar kini sa pagtuon, ipatuman sa BFAR ang proyekto ug i-turn over kini sa Syudad sa Cabadbaran ug sa lungsod sa Carmen human ang duha ka tuig.       

Mahinumdoman nga bag-ohay pa lamang nagkasabot ang Congressional District Office ni Kongresista Corvera ug mga lokal nga panggamhanan sa Cabadbaran ug Carmen nga ipahiluna ang maong proyekto sa ilang tagsa-tagsa ka lugar. Miagi na usab kini sa mga panagshisgut sa BFAR ingon man sa Butuan Bay Development Alliance. (Agusan del Norte 2nd Congressional District Office/PIA Agusan del Norte)