(PAGASA 24-HOUR PUBLIC WEATHER FORECAST as of Thursday, 09 February 2023) Northeast Monsoon affecting Luzon. Butuan City, Agusan del Norte, Agusan del Sur, Surigao del Norte, Surigao del Sur and Dinagat Islands will experience Partly cloudy to cloudy skies with isolated rainshowers or thunderstorms due to localized thunderstorms. Possible flash floods or landslides during severe thunderstorms. Moderate to Strong winds coming from Northeast will prevail with Moderate to Rough seas / (1.2 to 2.8 meters).


Wednesday, December 14, 2022

Nursery development, gipursige gamit ang trabaho sa TUPAD nga nakalap ni Kongresista Corvera

DAKBAYAN SA BUTUAN -- Gihinayhinayan na pag-develop ang mahimo unya nga usa sa mga nurseries alang sa falcatta ug indigenous species nga gamiton alang sa gikinahanglan nga lapad nga kakahoyan alang sa ipahiluna nga “Country Wood” project. 

Gihimo kini sa komunidad sa indigenous peoples (IP) sa Balaatan ug kasikbit nga mga sitio sa Camagong, Nasipit, Agusan del Norte gamit ang pundo nga nakalap ni Kongresista Dale B. Corvera  ubos sa programa nga Tulong Panghapbuhay sa Disadvantaged/ Displaced Workers (TUPAD) sa Department of Labor and Employment (DOLE). 

Gawas sa DOLE, kaabag usab sa buhatan ni Kongresista Corvera ang Community Environment and Natural Resources Office-Nasipit. 

Ubos sa “Country Wood” gipunting nga kapin kon kulang 100,000 ektaryas ang matamnan og commercial trees sa tibuok probinsya  ug mapailawom sa 10 ka tuig nga plant-harvest-plant cycle aron makasuporta sa gikinahanglang suplay nga kahoy sa processing complex sa ready-to-assemble tables, cabinets and other  knockdown parts, packaging materials, charcoal briquettes ug uban pang produkto sa kahoy. (Agusan del Norte 2nd Congressional District Office/PIA Agusan del Norte)