Payout sa 850 nga nakatrabaho sa 3rd batch sa TUPAD sa distrito sa Agusan del Norte, nakompleto na, dugang benepisyaryo gilantaw sa 2023
DAKBAYAN SA BUTUAN -- Nakompleto sa Lunes, ang payout sa 850 ka nakatrabaho sa 3rd batch sa Tulong Panghanapbuhay sa Disadvantaged/Displaced Workers (TUPAD) nga programa sa Department and Labor and Employment (DOLE) sa pakigtambayayong sa buhatan ni Kongresista Dale B. Corvera.
Nahuman kini human nasweldoan ang 107 nga nakatrabaho sa Nasipit ug 55 sa Carmen. Una na nga nasweldoan ang mga nakatrabaho sa syudad sa Cababdabran ug ubang mga lungsod niining semanaha ra usab.
Sa kinatibuk-an naay 2,210 tanan ang nakatrabaho ubos sa programang TUPAD sa tulo ka hugna gamit ang pundo nga nakalap ni Kongresista Corvera sa unang kapin sa lima ka bulan sa iyang termino. Libuan pa ang nakatakdang makatrabaho ubos sa programa sa tuig 2023.
Ubos sa TUPAD makatrabahao ang usa ka displaced o disadvantaged workers sa tag Php350 ang adlaw. Kadaghanan sa benepisyaryo sa programa sa distrito ni Kongresista Corvera nakatrabaho sulod sa 15 ka adlaw.
Tan-aw ni Kongresista Corvera nga daku kaayong tabang ang maong temporaryong trabaho sa mga unemployed o underemployed nga mga residente sa distrito, hinungdan sa iyang paningkamot nga makapatuman og tulo ka hugna niini sa mubong panahon. (Agusan del Norte 2nd Congressional District Office/PIA Agusan del Norte)
