(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Friday, December 9, 2022

Christmas decorations light up sa Agusan del Norte Capitol, gidagsa

DAKBAYAN SA BUTUAN -- Gidagsa sa katawhang Agusanons ang usa ka disney themed Christmas Tree, Lights and Decoration human kini opisyal nga gisubhan kaniadtong Martes, sa atubangan ug sa hawanan apil ang tibook palibot nga bahin sa dakbalay sa Kapitolyo  sa Agusan del Norte. 

Mismo si Gobernador Angelica Rosedell M. Amante ug Kongresista Dale B. Corvera nga girepresentahan ni Congressional District Coordinator Orencio Corvera, Bise Gobernador Enrico Corvera uban ang mga Board Members ug mga Alkalde sa lalawigan sa Agusan del Norte ug mga empleyado sa Kapitolyo ug katawhan ning lalawigan.

Ang maong mga anindot ug mabulokong dekorasyon sa palibot sa Kapitolyo gikuha sa tema nga “A Livelier Christmas” aron mabati sa katawhan ang “livelier” nga kapaskohan taliwala sa mga nasagubang nato nga mga problema.

Alang kang Gob. Amante, ihatag sa katawhan ang labing maayo nga buhatonon panahon sa pasko tungod kay gisaulog sa matag usa ang importante nga adlaw sa Ginoo.

“Why do we give our best during Christmas? We give our best, we show the best light, we run our brains with things that you would never have seen in your lifetime because we celebrate the birthday of the best being in the universe and that is the birthday of our Lord Savior, Jesus Christ” mensahe ni Gob. Amante.

“And mao sab na akong gikabilin sa inyo nga bisan sa atong everyday nga experience, please do not forget, we celebrate because we celebrate the savior of our world” panapos nga mensahe sa gobernador.

Gipuno ang Kapitolyo sa kalipay ug kabibo sa ang nasangpit nga seremonya kansang mga pasundayag nagsumikad gikan sa mga performers ilabina sa dihang mibuswak ang usa ka colorful fireworks display.

Nagpadayon ang programa sa mga pagsayaw, kanta ug banda diin nalingaw ang mga nibisita nga mga Agusanons.

Ang Capitol Light Up abri kini matag adlaw sugod sa alas 6 hangtud alas 10 ang takna sa kagabhion. (Karen Decamotan, mga hulagway kuha ni Reuben Te, LGU Agusan del Norte/PIA Agusan del Norte)