(PAGASA 24-HOUR PUBLIC WEATHER FORECAST as of Wednesday, 30 November 2022) Intertropical Convergence Zone (ITCZ) affecting Mindanao. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due ITCZ/Shearline. Possible flash floods or landslides due to moderate to at times heavy rains. Light to moderate winds coming from East to Northeast will prevail with slight to moderate seas / (0.6 to 2.5 meters).


Wednesday, November 9, 2022

Pasilidad nga alang sa mga hayop angayang iparehistro

DAKBAYAN SA BUTUAN -- Prayoridad sa kagamhanan ang pagtratar sa mga hayop sa husto ug maayong paagi, pangnegosyo man o inalimahan.

Nunot niini, nakabaton na ug Animal Welfare Registration Certificate ang tulo ka research stations sa Department of Agriculture-Caraga gikan sa Department of Agriculture-Bureau of Animal Industry o DA-BAI.

Ang tulo ka research stations mao ang Del Monte Lowland Rainfed Research Station o DMLRRS nga nahimutang sa Talacogon, Agusan del Sur alang sa Goat ug Hog Demonstration Farm, Trento Research Experiment Station alang sa Duck Farm, ug Tagbina Research Experiment Station alang sa Native Chicken Farm.

Gitunol ang maong sertipikasyon pinaagi nila ni DA-Caraga Regional Technical Director for Research, Regulatory, and Integrated Laboratories Nicandro Navia, Jr., uban si Regulatory Division Chief, Johnny Concon, ngadto nila ni Research Division Chief Abel F. Wagas, DMLRRS Chief Catherine B. Juyno, Trento Research Station Chief Dr. Escolastico Cagatin, ug Tagbina Research Station OIC-Chief Frank Wendyl Tusoy sa miaging adlaw sa rehiyunal nga buhatan sa DA-Caraga, Dakbayan sa Butuan.

Sa pag-ila sa kamahinungdanon sa Animal Welfare Registration, ang maong tulo ka research station mituman sa tanang mga rekisitos kaabag ang Regulatory Division. Kini aron magasilbing maayong sumbanan alang sa ubang pampubliko ug pribadong pasilidad alang sa kahayupan sa rehiyon.

Ang pag-isyu sa Certificate of Registration pinasikad sa Animal Welfare Act o RA 8485, ug giamendar sa Republic Act 10631.

Gidasig sa DA ang mga government ug non-government owned nga mga establisimento sama sa animal control facility; aviary; cattery, kennel, laboratory animal facility, pet shop; circus, carnival animal show; crocodile farm; hog farm, poultry farm; ug daghan pang uban sa pagkuha usab ug animal registration certificate. 

Moadto lamang sa labing duol nga buhatan sa DA Regional Office alang sa maong katuyoan aron mahibaw-an ang paagi sa aplikasyon ug ang andamon nga mga dokumento. (DA Caraga/PIA Caraga)