(PAGASA 24-HOUR PUBLIC WEATHER FORECAST as of Wednesday, 30 November 2022) Intertropical Convergence Zone (ITCZ) affecting Mindanao. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due ITCZ/Shearline. Possible flash floods or landslides due to moderate to at times heavy rains. Light to moderate winds coming from East to Northeast will prevail with slight to moderate seas / (0.6 to 2.5 meters).


Friday, November 4, 2022

Pagpadangat og educational assistance, gipahiluna sa buhatan ni Kongresista Corvera

DAKBYAN SA BUTUAN -- Gisugdan na pagtuyok sa mga personahe sa buhatan ni Congressman Dale B. Corvera kaniadtong Huwebes, Nobyembre 3, ang mga lungsod sa ikaduhang Distrito sa Agusan del Norte aron ipahiluna ang pagpadangat og educational assistance sa mga estudyante sa senior high school nga anak sa mga indigent families sa dili pa matapos ang tuig.

Partikular nga gilantaw nga mahimong benepisyaryo ning maong laing partnership tali sa buhatan ni Kongresista Corvera ug sa Department of Social Welfare and Development (DSWD) mao ang mga anak sa Indigent families nga nagtungha sa senior high school nga wala pa nakadawat sa Assistance nga gipadangat ni DSWD Secretary Erwin Tulfo.

Mosuma sa 2,500 ka estudyante ang gilantaw nga makadawat sa assistance sa tibuok distrito.  Ang gidaghanon sa makadawat sa matag lungsod o syudad nagadepende sa gidaghanon sa populasyon niini.

Unang naadto sa mga personahe sa Congressional District Office ang mga lungsod sa Buenavista, Nasipit ug Carmen. Magpadayon ang pagtuyok sa mga lungsod ug syudad sa Cabadbaran karon, Nobyembre 4, ug sa mosunod nga mga adlaw. (Agusan del Norte 2nd Congressional District Office/PIA Agusan del Norte)