(PAGASA 24-HOUR PUBLIC WEATHER FORECAST as of Friday, 25 November 2022) Intertropical Convergence Zone (ITCZ) affecting Mindanao and Palawan. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due Localized Thunderstorms. Possible flash floods or landslides during severe thunderstorms. Light to moderate winds coming from East to Northeast will prevail with slight to moderate seas / (0.6 to 2.1 meters).


Wednesday, October 19, 2022

OPAg mipahigayon og pagbansay sa implementasyon sa Gulayan sa Kampo sa SurSur

TANDAG CITY, Surigao del Sur -- Giimplementar sa Probinsya sa Surigao del Sur pinaagi sa buhatan sa Office of the Provincial Agriculturist kon OPAg ang pinaka-unang pagbansay isip preparasyon sa implementasyon sa “Gulayan sa Kampo” didto sa 36th Infantry Battalion, Barangay Puyat, lungsod sa Carmen ning probiniysa dili pa lang dugay.

Sumala pa sa taho, ang maong programa gipondohan sa Department of Agriculture kon DA-Caraga, diin gitudluan ang mga sundalo sa sulod sa ilang kampo sa insaktong pamaagi og proseso sa pagpananum sa mga gulay kon utanon sama sa talong, okra, ampalaya, kamatis, kalabasa og uban pa.

Gibana-bana anaa sa 20 ka sundalo ang misalmot sa ilang kaugalingon og naminaw sa saktong impormasyon aron makakat-on sa mga pamaagi og proseso sa pagpananom nga gipaambit sa mga eksperto gikan sa buhatan sa OPAG-SDS nga gipangunahan ni Provincial Agriculturist Marcos Quico.

Gibutyag ni Quico nga dako og tabang ang maong proyektong gipahigayon sa mga kasundaluhan tungod kay naa na sa sulod sa maong kampo ang tinubdan sa maong mga pagkaon nga gulay, og mamahimong maoy tinubdan sa mga binhe sa mga silingan nga kumunidad niini.

Nahibaloan, nga ang maong implementasyon sa pagbansay og implementasyon sa nahisgutang proyekto ipahigayon usab sa mga nagkadaiyang kampo sa kasundaluhan og kapulisan sulod sa probinsya sa mga  musunod nga gikatakdang petsa:

1. Oct 17- PNP Provincial Office Tandag City

2. Oct 18- Marauder 75th IB @ Tina, San Miguel

3. Oct 19- Arrowhead 3rd SF Batallion @ Saint Cristine, Lianga

4. Oct 21- Agila 67th IB @ San Roque, Bislig City.

(OPAg/PIA-Surigao del Sur)

 #ExplainExplainExplain #PIASurigaoSur