(PAGASA 24-HOUR PUBLIC WEATHER FORECAST as of Wednesday, 30 November 2022) Intertropical Convergence Zone (ITCZ) affecting Mindanao. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due ITCZ/Shearline. Possible flash floods or landslides due to moderate to at times heavy rains. Light to moderate winds coming from East to Northeast will prevail with slight to moderate seas / (0.6 to 2.5 meters).


Tuesday, October 4, 2022

Ilang kawani ng BJMP Caraga kinilala dahil sa kanilang mga natatanging kontribusyon sa ahensya

Ni Jennifer P. Gaitano

 

LUNGSOD NG BUTUAN -- Kasabay ng ika-27 anibersaryo ng Bureau of Jail Management and Penology (BJMP) Caraga, kinilala ang ilang kawani ng ahensya dahil sa kanilang mga natatanging kontribusyon at dedikasyon sa pagganap ng kanilang tungkulin.

Isa na rito si Jail Senior Superintendent Bernie Ruiz bilang Best Senior Jail Officer Rank. Pinasalamatan niya ang lahat ng partner stakeholders sa kanilang suporta sa mga adhikain ng ahensya at sa maayos na operasyon nito sa mga piitan.

 

Kinilala rin ang Agusan del Norte Jail Provincial Administrator bilang Best Provincial Jail Administrator’s Office; maging ang Surigao del Norte District Jail bilang Best District Jail; at Surigao City Jail bilang Best City Jail.

 

Tumanggap din ng plake mula sa BJMP Caraga ang mga local government units at partner stakeholders na may iba’t-ibang programa at serbisyo na ibinibigay sa mga persons deprived of liberty (PDL) sa mga piitan mula sa iba’t-ibang city, municipal, at provincial jails sa rehiyon.

 

Pinuri rin ni BJMP Caraga regional director, Jail Chief Superintendent Jolly Taguiam, Jr., ang tatlong tauhan ng BJMP na agad umaksyon sa naganap na Lianga District Jail siege kung saan hindi nagtagumpay ang planong pagtakas ng mga pdl. Tumanggap din sila ng medalya ng kabayanihan at na-promote sa kanilang trabaho.

 

Samantala, pinaalalahanan naman ni BJMP chief, Jail Director Allan Sullano Iral, ang mga kawani ng ahensya na huwag haluan ng personal na interes ang trabaho.

 

“Maging process-oriented po tayo at goal-oriented. Ang tatlong ito ay mahalaga – serbisyo bago ang sarili; kalidad na serbisyo; at paggawa nang Mabuti sa kapwa, ang kailangan natin upang makamit natin ang isang matatag na pamamahala sa mga piitan na siyang magdadala rin sa atin nang ligtas na lipunan. Magsisimula ito sa ating mga sarili may tamang perspektibo,” ani Dir. Iral. (JPG/PIA-Caraga)