(PAGASA 24-HOUR PUBLIC WEATHER FORECAST as of Wednesday, 30 November 2022) Intertropical Convergence Zone (ITCZ) affecting Mindanao. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due ITCZ/Shearline. Possible flash floods or landslides due to moderate to at times heavy rains. Light to moderate winds coming from East to Northeast will prevail with slight to moderate seas / (0.6 to 2.5 meters).


Thursday, October 6, 2022

Misurender nga FRs sa Agusan del Norte padayon ang pagsaka, reintegration gitutukan sa probinsya

DAKBAYAN SA BUTUAN -- Sa wala pa mahuman ang tuig 2022, padayon ang pagsaka sa ihap sa mga former rebels (FRs) ang mi-surender ngadto sa sabakan sa goberno diin gitutukan karon sa probinsyal nga panggamhanan ang pagpahiluna sa reintegration sa mga kanhi rebelde pinaagi sa Adopt-A-Former Rebel Program sa probinsya sa Agusan del Norte.

Base sa taho sa buhatan sa Provincial Social Welfare and Development (PSWD) nga gipangulohan ni Dr. Silver Joy Tejano, hepe sa maong buhatan, moabot na sa 96 ang natala sulod sa ika-tulong kwarter niing tuiga ang mibalik na sa sabakan sa goberno nga mga New People’s Army (NPA) tungod sa hiniusang lakang nga gi-implementar nga mga programa sa goberno. 

Sumala pa sa taho niini, usa sa mga prayoridad ni Provincial Governor Ma. Angelica Rosedell M. Amante nga ma-plastar ang maong surrenderees sa ilang pagpanarbaho ug mahatagan og saktong oportunidad base sa ilang mapili nga komunidad sa maong reintegration. 

Ang Adopt-an-FR program usa ka structured pathway nga mahimong kaabag sa probinsyal nga panggamhanan tali sa mga local government units (LGU’s), pribadong organisasyon ug kompanya ingon man ang civic society organizations sa probinsya sa Agusan del Norte aron magpahiluna ug mapadali ang reintegration sa mga kanhi rebelde ngadto sa komunidad.

Tumong sa maong programa nga maghiusa ang stakeholders lakip na ang lokalidad nga suportahan ang mga kanhi rebelde.

Sumala pa sa nasabutan ug giduso karon sa membro sa komitiba sa Provincial Enhanced Comprehensive Local Integration Program  ( ECLIP) ug Technical Working Group (TWG) alang sa proseso sa maong programa, una, kinahanglan mo-adopt ang usa ka ahensya og labing menos isa ka former rebel o labaw pa niini nga buot nila ipa-empleyo sa ilang tagsa-tagsa ka institusyon. 

Ikaduha, gikinahanglan maghimo og usa ka ordinansa o resolusyon aron ma institutionalize kini nga programa isip inisyatiba sa probinsya alang sa FRs. Ang ikatulo, kinahanglan sa probinsya mismo nag gikan ang mga benepisyaryo ug kadto lamang na-identify sa komitiba ang makabenipisyo niini, ug adunay Memorandum of Agreement /Memorandum of Understanding ang pagahimuon tali sa ahensya ug benepisyaryo.

Base sa datus, mosuma 214 ka former rebels ang ihap gikan sa tuig 2021-2022. Ug kasamtangang anaa sa 112 pa lamang ang nahatagan og trabaho sa probinsya sa Agusan del Norte ug ubang ahensya. Pipila kanila nahimong Citizen Armed  Force Geographical Unit (CAFGU),  Security Guard, government staff, construction worker ug uban pa. (Karen Decamotan, LGU Agusan del Norte/PIA Agusan del Norte)