Thursday, October 27, 2022

LGU-Bayabas nagwagi sa Regional MMK 

BAYABAS, Surigao del Sur -- Inaasahan na tatanggap ang lokal na pamahalaan ng Bayabas, Surigao del Sur ng tseke na magkakahalaga sa P2-million bilang cash award at plake mula sa Department of Agriculture-Bureau of Fisheries and Aquatic Resources (DA-BFAR) ng Caraga Region matapos tanghalin bilang 2022 regional winner sa Malinis at Masaganang Karagatan (MMK).

Photo credit to: DA-BFAR

Batay sa ulat, idineklara bilang Regional Champion ang munisipyo ng Bayabas sa Surigao del Sur, na nanalo sa nag-iisang contender nito - ang lgu ng Libjo sa probinsya ng Dinagat Islands.

Alinsunod dito, ang regional MMK evaluation team masinsinang sinuri ang mga entry batay sa sumusunod na pamantayan:

1. Kawalan ng ilegal na pangingisda,

2. Pagdaraos ng off-fishing season,

3. Pagtatatag ng protektadong marine sanctuary,

4. Malinis, baybayin na tubig na walang anumang basura o mga industrial effluent na dumadaloy sa dagat, at

5. Mabisang programa sa pangangalaga at rehabilitasyon ng bakawan.

Ang DA-BFAR Technical Working Group ay nakipagtulungan sa Caraga Inter-Agency Technical Evaluation Team kamakailan sa pagsasagawa ng regional MMK desk review at field evaluation para magkaroon ng pinakamahusay na resulta.

Samantala, ang MMK ay isang banner program ng DA-BFAR na nakatuonm sa sustainable fisheries development at environmental protection at naglalayong kilalanin ang mga lokal na pamahalaan na may mga pinakamahusay na coastal management practices. (NGPB/may ulat mula sa DA-BFAR/PIA-Surigao del Sur)

#ExplainExplainExplain