(PAGASA 24-HOUR PUBLIC WEATHER FORECAST as of Friday, 12 September 2025) Easterlies continue to affect Mindanao. Severe Tropical Storm TAPAH (formerly “Lannie”) – Outside PAR as of 3:00 AM today Location: 910 km west of Extreme Northern Luzon (20.8°N, 113.1°E) Maximum Sustained Winds: 95 km/h near the center Gustiness: Up to 115 km/h Movement: North-northwestward at 15 km/h 🔹 Forecast: CARAGA Region: Cloudy skies with scattered rainshowers and thunderstorms due to Easterlies. Moderate to heavy rains may cause flash floods and landslides in some areas. Rest of Mindanao: Partly cloudy to cloudy skies with isolated rainshowers or thunderstorms also due to Easterlies. Winds and Seas: Light to moderate winds from the east to northeast. Coastal waters will be slight to moderate (wave heights: 0.6 – 1.5 meters).


Tuesday, September 13, 2022

Kapin 5K nga benepisyaryo sa Agusan del Norte, nakadawat og Educational Assistance sa DSWD

DAKBAYAN SA BUTUAN -- Kapin lima ka libo na ka mga estudyante sa tibuok probinsya sa Agusan del Norte ang nahatagan og tabang pinansyal para sa skwela ubos sa Assistance to Individuals in Crisis Situation (AICS) Program sa Department of Social Welfare and Development (DSWD) – Caraga sa pakigtambayayong ug suporta sa Probinsyal nga Panggamhanan sa Agusan del Norte.

Base sa datus sa maong ahensya, mosuma sa kapin Php15 milyon ang napadangat nga pinansyal sa DSWD ngadto sa 5,515 ka mga estudyante gikan sa elementarya hangtud sa college/vocational level sugod niadtong Agosto 20 hangtud Septembre 10 niing tuiga. 

Sa maong numero, 1,448 (Php1.448m) niini ang elementarya, 1,019 (Php2.03m) junior high school, 832 (Php2.496m) senior high school, ug 2,216 (Php9.987m) ang college/vocational level. 

Sumala pa sa personahe sa DSWD, hapsay ang dagan sa nahitabong pay-out sa mi-aging semana didto sa Provincial Covered Court. Matud pa niini, gihimo kining online application nga pamaagi ngadto sa tanang interesado ug buot mo-apply nga mga estudyante. 

Sa inisyal nga online nga aplikasyon, gi-validate ug ni-agi og pagsusi ang tanang mga aplikante nga ni-apply sa maong programa adisir kini sila makadawat og confirmation text gikan sa DSWD nga nagpamatuod nga kwalipikado ang maong aplikante alang sa katapusang interview.

Apan, tungod sa gidaghanon sa ihap sa mga aplikante, temporaryong gi suspende sa maong ahensya ang online application apan modawat gihapon sila og walk-in nga aplikante. Niini, maghulog lamang og application form sa dropbox ngadto designated area sa maong buhatan.

Magpadayon nga magpadangat og pinansyal nga ayuda ang maong ahensya sa mosunod nga mga semana. (Karen Decamotan, LGU Agusan del Norte/PIA Agusan del Norte)