Mga ekipo giapud-apod ngadto sa mga mag-uuma sa Agusan del Norte
DAKBAYAN SA BUTUAN -- Gi turn-over na sa buhatan sa Department of Agrarian Reform kon DAR sa probinsya sa Agusan del Norte ang mga ekwepong gamit sa pagpanguma isip kabahin sa programang Climate Resilient Farm Productivity Support Project (CRFPSP).
Basi sa natalang impormasyon, kini ang pasiuna sa nahitakdang serye sa pag apud-apod ug gilauman na makompleto ning hinapos nga bahin sa kasamtangang tuig.
Kini ilawom sa mando ni PARPO II Glen A. Petilla sa tumong nga mahatagan og katumanan ang yangungo sa mga mag-uuma aron mabatukan ang nagka grabing epekto sa Climate Change.
Gipaniguro usab ni Chief Agrarian Reform Program Officer-Agrarian Reform Beneficiaries Development and Sustainability Program (CARPO-ARBDSP) Ellen Torallba, nga sa labing daling panahon ma apud-apod na ang mga ekwepo sa pipila ka mga pundok sa mga Agrarian Reform Beneficiaries (ARBs) pinaagi sa ilang orgnisasyon.
Sa kasamtangang nakadawat mao ang Camagong Farmers Multi-Purpose Cooperative, sa lungsod sa Nasipit; Faith Womens' Association, sa Brgy Basag ug ang Florida Consumers Cooperative, didto sa Brgy Florida ning dakbayan sa Butuan. (DAR Agusan del Norte/PIA Agusan del Norte)
