Coffee Processing sa Casiklan, Las Nieves, giturn-over na
DAKBAYAN SA BUTUAN -- Gi turn-over sa
Probinsyal nga Panggamahan sa Agusan del Norte ug Department of Agriculture
(DA) - Caraga Region ang usa ka Coffee Processing o ang proyektong Green Coffee
Beans Production and Marketing ngadto sa Casiklan Wheels Farmers Association
Inc. (CAWFAI) sa Brgy. Casiklan sa lungsod sa Las Nieves.
Nanguna sa pagturn-over si Provincial
Governor Ma. Angelica Rosedell M. Amante, Congressman Dale B. Corvera sa
ikaduhang distrito, DA Regional Director Ricardo M. OΓ±ate Jr. uban ni Las
Nieves Municipal Mayor Karen Rosales ug Vice Mayor Virgilio EscaseΓ±ias.
Ang maong proyekto maoy labing gikinahanglan
nga pasilidades sa mga mag-uuma sa Casiklan alang ma-proseso ang ilang abot nga
uma sa kape.
Ang CAWFAI, usa sa mga organisasyon nga
gi-suportahan ug gipahiluna sa probinsya pinaagi sa programang AGUSAN UP! ubos
sa Process! Process! Process! ang kaluhang proyekto sa Plant! Plant! Plant! ug
pinaagi niini, makab-ot ang panglantaw sa probinsya nga mahimong
“Agri-Processing Center sa Caraga Region.” Kaabag usab sa probinsya ang
DA-Caraga Region.
Daku ang pagpasalamat ug kalipay ang nabati
ni Gregorio Buntag, Chairman sa CAWFAI uban sa 293 ka mga membro niini human sa
pagdawat sa maong proyekto. Alang kanila, daku kaayo kini nga tabang sa ilang
organisasyon nga ma-proseso ang ilang abot sa uma sa kape ug ma-market ang
ilang produkto.
Gawas niini nga processing center, mi-komiter
usab si Gob. Angel Amante nga padayon niya suportahan ug dugangan pa ang mga
lain pang panginahanglanon sa maong organisasyon sulod sa tulo ka tuig.
Hangyo lang sa gobernador nga padayon ang
pagkugi sa matag usa aron ma-sustener ang ilang produksyon.
Nalipay usab si Kong. Dale Corvera tungod
natuman na gyud ang dugay ng damgo sa probinsya human sa pagpaningkamot sa mga
lideres nga matagaan kini og pundo nga proyekto agi og suporta usab sa
DA-Caraga.
Pasabot sa kongresista ang importansya sa
maong proyekto tungod nakita niya nga kung adunay processing center, adunay ma
mugna nga trabaho ug madugangan ang ilang kita.
Ang maong proyekto mo kabat sa kapin Php19
milyones ubos sa panudlanan sa probinsya ug nasyonal nga pang gobyerno.
Gi-turnover sa maong organisasyon ang balor Php8 milyones nga proyektong Community Based Coffee Enterprise Development Project gikan sa DA-Caraga. (KKD, LGU Agusan del Norte/PIA Agusan del Norte)
