(PAGASA 24-HOUR PUBLIC WEATHER FORECAST as of Wednesday, 01 February 2023) Northeast Monsoon affecting Luzon and Visayas. Butuan City, Agusan del Norte, Agusan del Sur, Surigao del Norte, Surigao del Sur and Dinagat Islands will experience Cloudy skies with scattered rainshowers and thunderstorms due to Shear Line. Possible flash floods or landslides due to moderate to at times heavy rains. Moderate to Strong winds coming from Northeast to North will prevail with Moderate to Rough seas / (2.5 to 4.0 meters).


Tuesday, August 9, 2022

Proposed Economic Zone, Airport, Water Source og E-Car Battery Plant sa Dinagat Islands gisusi pinaagi sa Aerial Survey

SAN JOSE, Dinagat Islands, Agosto 9 (PIA) -- Pinaagi sa kamanduan ni Governor Nilo P. Demerey Jr. gipahigayon ang usa ka aerial survey sakay sa usa ka pribadong helekopter sila Provincial Environment and Natural Resources Dinagat Islands Zacarias Vales ug Provincial Community Affairs Officer Jay Benitez niadtong Agosto 9, 2022. 

Una ug personal nang gimapa mismo ni Governor Demerey ang mamahimong rota sa aerial survey adiser ang actual ug lakip sa mga buot makita sa Gobernador ang luna nga pahimutangan sa pagatukoron nga planta sa baterya alang sa mga Electronic Cars nga nahimutang sa Barangay Mabini sakop sa lungsod sa Cagdianao. 

Mahinumduman nga niadtong bulan sa Hulyo 2022, personal nga nakigkita ug nakig storya ang gobernador sa inilang negosyante nga si Ramon Ang  didto sa kaulohan aron hisgutan ang kagustuhan niini nga mugahin og pundo sa kantidad nga mosobra mukulang P500 milyon dolyares para matukod ang giingon nga planta.

Kung ugaling magsugdan na kini nga planta, dako ang mamahimong ambag niini sa natad sa panarbaho tungod kay nagkinahanglan kini sa mosobra 10 milyon ka mga empleyado. 

Sa susamang bahin, lakip nga gisusi sa aerial survey ang kahimtang sa Del Pilar Dam nga nahimutang sa Barangay Del Pilar lungsod sa Cagdianao nga diin una nang nasabutan sa mga miyembro sa Dinagat Islands Water Council nga maoy posibling makuhaan sa suplay sa tubig alang sa pito ka mga lungsod sa lalawigan. 

Mahinungdanon kini nga lakang ni Governor Demerey isip dinalian nga sulosyon sa padayong nasinati nga krisis sa tubig ilabi na sa lungsod sa San Jose. 

Gitan-aw usab ang sugyot nga luna nga pagatukuran unya sa International Airport ug Proposed Economic Zone nga anaa mahimutang sa lungsod sa Basilisa ug kung balikan paglantaw, 40 ka adlaw gikan sa iyang paglingkod isip bag-ong Gobernador sa lalawigan sa Dinagat, daghan na ang mga nahimong mahinungdanon nga lakang ug plano ang nabuhat ni Governor Demerey sa iyang pangatungdanan, prioridad niini ang Industrialisasyon, Turismo, Pangisda ug Panguma, ingon man ang paghatag og dinaliang solusyon sa mga indibidual nga suliran pinaagi sa gimugna niini nga gitawag nga “Remedy Action Center” nga bukas 24 oras. (Susil Ragas, PIA- Dinagat Islands/Provincial Information Office- Dinagat Islands)