(PAGASA 24-HOUR PUBLIC WEATHER FORECAST as of Thursday, 13 June 2024) Easterlies affecting the eastern sections of Southern Luzon, Visayas, and Mindanao. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southwest to Southeast will prevail with slight to moderate seas (0.6 to 2.1 meters).

Wednesday, July 27, 2022

1st PDC miting sa probinsya gipangunahan ni Gob. Angel, VG Rico

DAKBAYAN SA BUTUAN -- Gipangunahan ni Provincial Governor Ma. Angelica Rosedell M. Amante ang unang Provincial Development Council (PDC) Meeting ubos sa iyang administrasyon isip PDC Chairman, karong adlawa, Hulyo 27, didto sa Provincial Training Center, Capitol Compound, Butuan City.

Mihatag usab suporta si Bise Gobernador Enrico R. Corvera nga mitambong sa maong PDC meeting.

Ang mga nahisgutan sa PDC Meeting mao ang direksyon sa probinsya, re-constitution sa Provincial Development Council, presentasyon sa PDC Membership, Composition, Functions and Responsibilies, pag botar sa PDC Sectoral Committee Chairperson ug pag pili sa mga myembro sa sectoral committee, pagpresentar sa Proposed PDC Manual Operations, pagpresentar sa 6th Supplemental Annual Investment Program (AIP) sa tuig 2022 nga gilangkoban sa 47 ka mga Programa, pag-endorso ngadto sa Regional Development Council  sa Sanggunian Resolution No. 5, Series of 2022 ug ang pagtul-id sa Project Title ug kantidad bahin sa rehabilitasyon sa Capitol facility ug uban pang mga kalihokan sa probinsya sa Agusan del Norte.

Sa iyang mensahe, gipasabot ni Gob. Amante ang kamahinungdanon sa nasangpit nga konseho ug ang gisugyot nga mga proyekto aron matabangan ang mga Agusanon, ilabina kadtong mga mag-uuma ug mangingisda sa probinsya.

Matinahuron nga gihangyo sa Gobernador ang mga local government units (LGUs), national government agencies, ug sa mga miyembro sa konseho alang sa ilang tinud-anay nga kooperasyon aron makab-ot ang panglantaw sa probinsiya nga mahimong sentro sa Agro-Processing Center sa Rehiyon sa Caraga ubos sa programang Agusan Up nga gisugdan ni kanhi gobernador ug karon Congressman Dale B. Corvera.

Ang maong aktibidad gitambongan sa komite sa PDC, mga representante gikan sa City/Municipal Officials, 2nd District Representative sa Agusan del Norte ug mga Department Chiefs, ug mga personnel gikan sa Kapitolyo. (Justine L. Perez, LGU Agusan del Norte/PIA Agusan del Norte)