AgNor Bise Gob. Corvera gipangunahan ang Inaugural Session sa 19th SP
DAKBAYAN SA BUTUAN -- Opisyal nang nangulo ang balik-Bise Gobernador nga si Enrico R. Corvera sa unang sesyon sa 19th Sangguniang Panlalawigan nga gipahigayon sa SP Session Hall, Capitol, Butuan City sa adlawng Martes, Hulyo 12, 2022.
 |
| Corvera |
Aktibo nga mitambong ang mga Provincial Board Members nga sila Nieva C. Famador, Ryan Jade D. Lim, Rodulfo A. Pitogo, Erwin L. Dano, James T. Reserva, Dick Victor B. Carmona, Francisco Y. Chan Jr., Benjamin D. Lim Jr., Larry F. Bautista, IPMR Randy P. Catarman ug SK Federation President Board Member Keefe Blue R. Leonar sa gipahigayon nga Inaugural Session.
Gisugdan sa mga bag-ong lingkod nga mga opisyales ang gi-adopt niini nga Internal Rules of Procedures uban sa pipila ka mga kausaban gikan sa 18th SP o sa miaging konseho.
Atol sa Inaugural Session, adunay 57 kabuok First Reading ang nakalatid sa Agenda, 1 ka inclusion ug 6 niini ang na aprobahan.
Lakip sa agenda sa Inaugural session nga naaprobahan mao ang Adoption of Internal Rules of Procedure ug Election of Officers and Standing committee chairmanships among others.
Sa maong sesyon, gipili nga Majority Floor Leader si Hon. Nieva C. Famador isip hulip kang kanhi Provincial Board Member Elizabeth Marie R. Calo nga sa susamang adlawa gideklara ng Provincial Administrator sa Agusan del Norte. (SVdeligero, LGU Agusan del Norte/PIA Agusan del Norte)
