Kampanya sa Pagpalambo nga Agusan Up, ipadayon ni Gob. Matba
DAKBAYAN SA BUTUAN -- “AGUSAN UP!, we will continue it.”
Sumala pa ni Gov. Amante-Matba, mubo lang ang panahon nga gihatag sulod sa ilang termino sa pagpanerbisyo sa katawhan sa probinsya isip public official. Pasabot niya, tungod niini, nanginahanglan kini og paspas nga pagpanerbisyo ug pagpadangat og serbisyo ngadto sa katawhan sa Agusan.
“The AGUSAN UP, we will continue it because we have already started it. Maayo ang mga programs sa Agusan Up, therefore we cannot go back to square one, kung asa na siya karon. I want to know what will be the second step, third step until we reach the goal for the province” matud pa ni Gov. Amante-Matba.
Nakita sa gobernador ang daku ang mahinungdanon papel sa panaghiusa sa direksyon ug vision nga mahimong “Agri-Processing Center in the Caraga Region by 2027” pinaagi sa AGUSAN UP development campaign nga gisugdan na sa kanhing administrasyon ni outgoing Governor ug Congressman-elect Dale B. Corvera tali sa probinsyal nga panggamhanan, Congressional Office ug mga munisipyo ug syudad aron mahimong paspas ang pagpadangat og serbisyo ug kalambuan sa Agusan del Norte.
Pasabot sa gobernador nga daku usab kaayo og hagit sa Hiniusang Liderato o ang mga elected nga mga opisyales sa Agusan del Norte tungod taas ang ekspektasyon sa katawhan sa maong liderato.
“We went around and set our pace that people will vote for us. And these are the things that we will do,” matud pa sa gobernador.
Gawas sa mga elected officials, daku usab og hagit ngadto sa empleyado sa kapitolyo nga mahimong han-ay ang sistema niini. Ang sistema nga mamahimong makahatag og dakong demands sa pagpanghatag og mga serbisyo.
Gipaniguro usab ni Congressman Dale B. Corvera ang iyang dakung suporta
isip working partner aron masiguro ang kalambuan sa panginabuhi sa katawhan sa
Agusan del Norte.
“Mo ingon ko nga usa ko ka karon sa mga leader nga mo biya pagka gobernador but I will leave you with something worth continuing. A vision worth completing and a dream worth fulfilling. But I assure you that I will be your working partner in Congress to ensure the good future of the people of Agusan del Norte” sumala pa ni Cong. Corvera.
Hangyo usab ni Gov. Amante-Matba nga sa umaabot nga panahon makita ug madumduman sa mga tao ang gibuhat nga maayong serbisyo sa ilaha.
“There will come a time, that we will also end but let us end it with legacy nga madumdoman ta sa tao that during our incumbency we gave the best for them and they have a very good future to look up to,” paambit niya.
“This is a new chapter, a new challenge for all of us, there is a reason why we all won overwhelmingly. The challenge now is we have to deliver the goods for the people of Agusan del Norte,” panapos ni Gov. Amante-Matba. (Karen Kei Decamotan, LGU Agusan del Norte/PIA Agusan del Norte)
