DBM, DILG mosusi sa devolution plan sa LGUs
BUENAVISTA, Agusan del Norte -- Ang Department of Budget and Management (DBM) ug ang Department of the Interior and Local Government (DILG), isip chairperson ug vice-chairperson sa Regional Devolution Transition Committee, matinahuron nga modumala ug mosubay sa preparasyon ug implementasyon sa Local Government Units (LGUs) Devolution and Transition Plans (DTP) per Executive Order (EO) 138 ug ang IRR niini.
Ang tanan nga probinsiya, syudad, munisipyo, ug barangay mangandam sa ilang tagsa-tagsa na DTPs subay sa Executive Order (EO) No. 138. Kini mamahimung reperensiya sa pagpatuman na mapalig-on ang organisasyonal nga paningkamot ug mapalambo ang institusyonal na mga kapasidad sa umaabot nga tulo ka tuig ug masubay ang pag-uswag sa transisyon padulong sa bug-os nga pangagpas sa pagtugyan sa mga responsibilidad. Ang mga LGUs modesinyo sa ilang DTPs basi sa National Government Agencies (NGAs) nga DTP, gisusi ug giaprobahan sa DBM.
Sa karun, adunay duha ka NGAs nga giaprobahan ang DTP sa DBM, usa niini ang POPCOM
Ang pagpangandam sa LGU DTP pagabuhaton sa suod na koordinasyon uban sa mga hingtundan nga NGAs sama sa Commission on Population and Development (POPCOM). Ang pagmonitor ug pagtasa sa mga LGUs giyahan sa DBM, DILG ug ang hingtundan na NGAs. Kini moagi og inisyal na ebalwasyon alang sa kinatibuk-ang pagsunod, lawom nga ebalwasyon sa strategic ug functional shifts ug ebalwasyon sa Organization for Energy Planning (OEP) una pa ang pagtugot. (Dian Joy L. Martinez, POPCOM Caraga/PIA Caraga)
