(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Monday, July 18, 2022

Primary Care Provider Network Ordinance sa Butuan City, aprobado na

DAKBAYAN SA BUTUAN -- Aprobado na ni Mayor Ronnie Vicente Lagnada ang SP Ordinance no. 6617-2022 o ang ordinansa nga nag amyenda sa SP Ordinance no. 3886-2012 o mas naila nga Highly Urbanized Local Health Zone ug ang Integrated Barangay Health Zone Ordinance sa Butuan City nga gipangamahanan ni City Councilor Cherry May Busa kauban ang tibook pwersa sa 15th Sangguniang Panlungsod.

Sa section 1 sa ordinansa nakalatid ang pag usab niini aron sa pagmugna og primary care provider network sa Butuan City, pag-ila sa mekanismo, pagdumala sa struktura ug mga gimbuhaton ug responsibilidad aron mahatag ang nag-unang panginahanglanon sa katawhan. 

Sa pag amyenda sa ordinansa mamahimo nang pito ang primary care provider network sa syudad sa Butuan nga gilangkuban sa: Obrero Primary Care Provider Network ug 14 catchment  barangays, Ampayon Primary Care Provider Network ug 16 catchment barangays, Libertad Primary Care Provider Network ug 17 catchment barangays, Bilay Primary Care Provider Network nga dunay 11 catchment barangays, Dulag Primary Care Provider Network ug 12 catchment barangays, Sumilihon Primary Care Provider Network nga may 9 catchment barangays ug ang Doongan Primary Care Provider Network nga dunay 7 catchment barangays. 

Ang matag primary care provider network dunay komposisyon nga catchment barangays, main health center nga nahimutang sa nasangpit nga mga barangay ug dunay Barangay Health Stations o BHS.

Samtang ang Butuan Medical Center isip Government tertiary hospital ug Comprehensive Emergency Obstetrics and Newborn Care (CEmONC) capable facility mamahimong end-referral hospital sa pito ka primary care provider network sa Butuan City ug matag catchment barangay health stations.

Ang pagmugna sa ordinansa nagpasabot nga mawala na ang mga Integrated Barangay Health Zone ug Inter-Barangay Health Zone kini tungod mas gipalawman ug gisiguro nga mahatag ang insaktong medical atensyon sa katawhan ug ang pagpalambo sa primary care facility asa usa sa kinahanglan aron ang network services ug referral system mamahimo nang mapatuman ug masigurong maka cater og daghang pasyente. Ang mga pasilidad sa primary care mandatory ang paghatag sa serbisyo sama sa consultation, minor surgeries ug ancillary services sama sa birthing, laboratory, pharmacy ug ambulance services sa 20,000 population.

Dekada nang dunay tulo lamang ka main health center ang Butuan City hinungdan gihingusgan ni Mayor Lagnada nga madugangan kini ug mas gipalambo aron madawat sa katawhan ang quality health care services. (Butuan City PIO/PIA Agusan del Norte)

#BravoButuan