Nasipit District Hospital makadawat og ambulansya gikan sa DOH
DAKBAYAN SA BUTUAN -- Usa sa mga recipient ang Nasipit District Hospital (NDH) sa lungsod sa Nasipit ning lalawigan ang makadawat og usa ka unit nga ambulansya nga lakip na ang mga equipment niini gikan sa Department of Health (DOH) Caraga.
Ang maong ambulansya nagkantidad og ₱1,987,000.00 ubos sa programa sa DOH nga Health Facilities Enhancement Program kun HFEP.
Andam na nga mo pirma si Governor Maria Angelica Rosedell M. Amante sa Deed of Donation, tali sa Provincial Government ug Department of Health alang sa paghatag sa maong ambulansya ngadto sa NDH.
Gi konsiderar nga ang paghatag sa usa ka unit nga ambulansya ug uban pang mga kagamitan niini para sa ospital sa lungsod, aron kini mapalambu ang katakus sa pagdumala sa maong ospital ug paghatod sa insaktong kalidad nga serbisyu ug health services ngadto sa mga katawhan sa lungsod sa Nasipit.
Sa
pagpangamahan ni Vice Governor Enrico R. Corvera, giaprobahan kini pinaagi sa
Sanggunian Resolution No. 007-2022, nga ang paghatag og katungod ni Governor
Amante para pag pirma sa maong Deed of Donation atol sa Inaugural session
niadtong Julyo 12, 2022. (Ramil L.Pasco, LGU Agusan del Norte/PIA Agusan del Norte)
