(PAGASA 24-HOUR PUBLIC WEATHER FORECAST as of Wednesday, 01 February 2023) Northeast Monsoon affecting Luzon and Visayas. Butuan City, Agusan del Norte, Agusan del Sur, Surigao del Norte, Surigao del Sur and Dinagat Islands will experience Cloudy skies with scattered rainshowers and thunderstorms due to Shear Line. Possible flash floods or landslides due to moderate to at times heavy rains. Moderate to Strong winds coming from Northeast to North will prevail with Moderate to Rough seas / (2.5 to 4.0 meters).


Monday, July 11, 2022

Kalambigitan sa Responsible Parenthood, Nutrition gipatin-aw

BUENAVISTA, Agusan del Norte -- Ang Commission on Population and Development (POPCOM) Caraga sa tabang sa mga lokal nga kagamhanan nagpasiugda sa nagka-lainlain nga kalihokan kalabot sa Responsible Parenthood and Family Planning ug ang epekto niini sa kinatibuk-ang panlawas ug kahimsog sa mga bata ug sa tibuok pamilya. 

Isip Vice Chairperson sa Regional Nutrition Council and Technical Working Group, ang POPCOM Caraga nagtrabaho kauban ang National Nutrition Council (NNC) sa pagwagtang sa mibugway na pagmabdos sa mga batan-on nga miresulta sa malnutrisyon ug risgo sa nanay ug sa iyang anak. Gikinahanglan ang pagpalapad sa serbisyo sa Responsible Parenthood and Family Planning para masulbad ang kakulangon sa mga serbisyo sa pag-amuma sa panglawas nga peligro sa mga inahan ug sa ilang mga anak. 

Ang Regional Nutrition Technical Working Group (RNTWG) nagtigom pinaagi sa blended approach kaniadtong Hunyo 14, 2022 sa Almont Inland Hotel, Butuan City. Sa giingon na miting, gihisgutan ang mga update sa nutrisyon sa nagkalain-laing sector, mga kalihokan sa second semester, ang Republic Act (RA) 11148 ug uban pang may kalabutan sa implementasyon sa programa sa nutrisyon. 

Dugang pa, gipresenta ang mga plano ug kalihokan para sa umaabot na 2022 Nutrition Month Celebration. Giuyonan sa tanan ang pagpasa og nutrition month plan sa wala pa ang katapusan sa Hunyo sa matag ahensya kabahin sa selebrasyon sa Nutrition Month. 

Isip kauban na ahensya, ang POPCOM Caraga madasigon sa adbokasiya sa nutrisyon niini aron maporma ang kahimsog ug mas maayo nga nutrisyon sa matag Caraganon. (Dian Joy L. Martinez, POPCOM Caraga/PIA Caraga)

 

 

Posted by at