Balangay Festival 2022, pormal nang gi-ablihan
DAKBAYAN SA BUTUAN -- Pormal nang gi-ablihan ang Balangay Festival 2022 human sa duha ka tuig nga pakig bisog sa COVID-19.
Gipakita sa programa ang paghulagway sa kasaysayan sa Butuan pinaagi sa sayaw. Lakip na ang nahitabo nga COVID-19 rason nganong duha ka tuig wala nasaulog ang kapiyestahan.
Liboan sa mga Butuanon ang mitambong sa
kasaulogan.
Sa mensahe ni Mayor Ronnie Vicente Lagnada mapasalamaton siya tungod nasaulog na balik ang Balangay Festival sa mga Butuan. Nagpasalamat sab siya nga misalig ang katawhan sa mga programa ug misunod sa protocol para mabalik ang kalingawan bisan paman sa new normal.
Para mahimong opisyal ang pag sugod sa
selebrasyon, nag taas og wine glass ang mga City Officials sa syudad ug ang mga
Head of Offices. Anaa sab fire works display nga mas nag pa nindot sa
selebrasyon.
Ang Balangay Festival molungtad hangtud Mayo 19, 2022. Gi-awhag ang tanan sa pag suporta sa tanan kalingawan sa syudad. (Butuan City PIO/PIA Agusan del Norte)
