Indigay sa mga batan-on pagmugna og ideya sa negosyo padayon nga gibuhat sa Agusan del Norte
DAKBAYAN SA BUTUAN -- Padayon ang Testing the Waters o market testing, apil na ang paghimo og surveys nga gisugdan niadtong May 16 ug mahuman sa June 14 sa “TuoNegosyo 3.0”, o ang ikatulo ka hugna sa duha ka bulan nga indigay sa mga batan-on paggama og ideya negosyo nga gipasiugdahan sa probinsya sa Agusan del Norte ubos sa Process! Process! Process! Projects sa kampanya niini sa pagpalambo nga mao ang AGUSAN UP!
.jpeg)
Himoon usab ubos sa testing the waters ang mentoring sessions ug pag-refine sa Business Plan sa 10 ka grupo nga miapil ning maong batch sa indigay.
Ang mga Business Plans sa napulo ka grupong nga natigi ning maong batch sa “TuoNegosyo” mao ang mosunod: Fishylicious, Bagoong Buhay, Dioleche’s, Banana Fritters sa Nasipit, Hierl Calamansi sa Magallanes, K.A.K. Crunchy Banana Cheese Sticks and Burger Patty sa RTR, League of Venerable Entrepreneurs-Lumpiang Mango Pie, Manna Bar ug Hito-Go sa Cabadbaran, Young Start-Up Entrepreneurs of Carmen.
Himoon ang Shark Tank o ang Final Stage Pitching karon umaabot nga Hunyo 15.
Ang AGUSAN UP! mao ang kampanya sa pagpalambo sa administrasyon ni Gov. Dale B. Corvera inubanan sa buhatan ni Kongresista Angel Amante-Matba.
Kaabag sa probinsya ang Department of Trade and Industry Agusan del Norte sa pagpadagan sa “TuoNegosyo 3.0”. (LGU Agusan del Norte/PIA Agusan del Norte)
