DBM nag aprobar sa DTP sa POPCOM
DAKBAYAN SA BUTUAN -- Ang Commission on Population and Development ug ang Department of Health mao lang ang ahensya sa nasudnong gobyerno nga ang Devolution Transition Plan (DTP) naaprobahan sa Department of Budget and Management (DBM) nga pangunang basehan sa mga local government unit (LGU) DTP per Executive Order (EO) 138, ug iyang IRR.
Ang EO 138 nga gipatuman pinaagi sa iyang IRR, DBM-DILG Joint Memorandum Circulars, nagmando ang kompleto nga debolusyon sa mga nag-unang serbisyo ug pasilidad gikan sa nasudnong ahensya padulong sa mga LGUs, lakip niini ang nadungagan na bahin sa LGUs sa tanang buhis ug mga kita sa nasyonal na lebel.
Si POPCOM Caraga Regional Director, Alexander A. Makinano, nagpresentar sa naaprobahang DTP sa ahensya atol sa face-to-face meeting nga gipahigayon sa Development Administration Committee sa Provincial Development Council sa Agusan del Norte kaniadtong Mayo 2, 2022. Matud ni Director Makinano na ang POPCOM DTP gaawhag sa mga LGUs na magtukod og Population and Development (POPDEV) office, o e-upgrade ang kasamtangang istruktura para sa hingpit na pag-assume sa gitugyan na family planning, POPDEV services ug ang mga programa para sa kaayohan ug kalamboan sa mga kabatan-onan.
Ang pag aprobar sa DTP sa POPCOM ipaambit ug ipakaylap sa mga LGUs isip basehan sa ilang pag preparar sa ilang kaugalingon na DTPs. (Dian Joy L. Martinez, POPCOM Caraga/PIA Agusan del Norte)
