(PAGASA 24-HOUR PUBLIC WEATHER FORECAST as of Saturday, 28 May 2022) Intertropical Convergence Zone (ITCZ) affecting Mindanao. The entire Caraga region will have a Partly cloudy to cloudy skies with isolated rainshowers or thunderstorms caused by Localized Thunderstorms. Possible flash floods or landslides during severe thunderstorms. Light to moderate winds coming from South to Southwest will prevail with slight to moderate seas (0.6 to 2.1 meters).



Wednesday, 9 March 2022

Mga pagbansay sa probinsya daku’g impact sa mag-uuma 

DAKBAYAN SA BUTUAN -- Ang Kapatid Mentor Micro Enterprise – Money and Market Encounter (KMME-MME) Program nga giabagan pagpatuman sa Department of Trade and Industry (DTI) ug sa probinsya sa Agusan del Norte pinaagi sa AGUSAN UP! Coordinating Center daku kaayo ang nahimong impact sa mga mag-uuma.

Kini ang gipadayag ni Bobby Diamante, usa ka partisipante niini nga nagrepresenta sa Mamanwa Manobo Mapaso Tribal Sectoral Organization Inc. (MMMTSOI), usa ka grupo nga adunay 160 ka pamilya sa mamanwa ug manobo, sa Barangay Lapaz, Santiago.

Ang MMMTSOI nag gama og food products gikan sa hilaw nga materyal sa cacao sama sa fermented tableya, cacao vinegar, ug fermented cacao beans.

Sumala ni Diamante nga ang mga pagbansay nga gimugna sa probinsya sama sa entrepreneurial mind-setting, values formation, accounting and financial statement making, daku ang nahimong tabang sa ilang organisasyon nga mas molig-on ug motaas ang ilang kita.

"Pinaagi ato KMME-MME nga training na lessen akong burden, na enlighten, na dungagan akong kamaohan ug na-relay pod nako sa akong mga kauban. Empowerment … usa ni sa pinaka daku ug nindot nga impact sa business, bisag step by step makita nga adunay progress makita,” matud ni Diamante.

“Daku ang akong pasalamat sa probinsyal government pinaagi sa AGUSAN UP. Wa gyod ta pasagdi bisag giila ta sa pinaka ubos nga level sa komunidad nga natagaan mi og oportunidad nga naka participate mi,” dugang ni Diamante.

Ang organisasyon naa nay market karon sa Manila ug Cebu ug gilantaw nga moabot ang ilang produkto sa internasyonal nga merkado.

Ang maong pagbansay sa bahin sa probinsya kabahin sa Process! Process! Process! Project sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba. (LGU-Agusan del Norte/PIA-Agusan del Norte)