Pagpatuman sa Mandanas Ruling posibleng mag-apil og bag-ong mga hiring
DAKBAYAN SA BUTUAN -- Posibleng mag-hire gyod og mga bag-ong empleyado aron epektibong mapatuman ang mga programa ug proyekto nga gipadagan karon sa mga nasudnong buhatan nga i-devolve ngadto sa mga local government units (LGUs).
.jpeg)
Kini ang nakita atong Marso 18, sa resulta sa Rapid Appraisal sa kalabot niini nga gihimo sa Caraga State University (CSU) alang sa Agusan del Norte Agriculture and Fisheries Extension System (ADNAFES) nga gipasiugdahan sa Department of Agriculture (DA).
Ubos sa Mandanas Ruling, ang matag LGUs na ang mo implement sa mga extension services apil na ang roles and functions sama sa pag conduct og training, monitoring and productivity nga kabahin sa EO No. 138 o “Full devolution of certain functions of the Executive Branch of Local Governments, Creation of a Committee on Devolution, and for other purposes”.
Sumala ni Ronald Filipinas, personahe sa Provincial Agriculturist Office (PAO) nga ang mga LGUs na gyod ang mohimo sa mga functions. Iyang dugang nga ang mahimong papel sa probinsya sa Agusan del Norte mao ang paglantaw sa components, mag monitor ug mag pokus sa mga programa ug services diha sa processing activities sama sa rice processing center, construction of rice milling.
Sa ubang buluhaton diin kinahanglan gyod mag-hire og bag-ong empleyado, sumpay ni Filipinas, nga sunod sa resulta sa Rapid Appraisal.
Ang Rapid Appraisal pagsusi sa kaandam sa matag LGUs sa pagpadangat og agriculture and fisheries extension services sa katawhan sa Agusan del Norte nga gihimo sa CSU nag-apil og survey questionnaires, interview, ug group discussions sa matag LGU. (Shena Mae Pabia ug Reymar Reyes, LGU-Agusan del Norte/PIA-Agusan del Norte)
