Philippine Red Cross mo suplay sa dugo ngadto sa Provincial Hospital
DAKBAYAN SA BUTUAN -- Aron padayon ang serbisyo sa suplay sa dugo sa mga nanginahanglan nga pasyente gihatagan og otoridad si Provincial Governor Dale B. Corvera nga mo pirma sa Memorandum of Agreement tali sa Philippine Red Cross ug sa Agusan del Norte Provincial Hospital alang sa pagpatuman sa RA 7719 o nailhan nga National Blood Services Act of 1994.
Basi sa RA7719 usa sa mga tumong sa maong balaod mao ang pagpasiugda ug
pagdasig sa boluntaryong donasyon sa dugo sa mga lungsoranon ug sa publiko sa
prinsipyo nga ang donasyon sa dugo usa ka humanitarian act.
Ubos sa maong kasabutan sa duha ka partido sa ilang mga responsibilidad mao:
ang Philippine Red Cross mao ang mo apod-apod ngadto sa Agusan del Norte
Provincial Hospital labing menos kausa sa usa ka semana sa suplay sa dugo ug
mga proyekto sa dugo sumala sa quarterly order matag semana base sa ilang blood
inventory; ug nag Provincial hospital usab mao ang mo promote, pag-recruit ug pagdasig
sa boluntaryong donasyon sa dugo ngadto sa Philippine Red Cross gikan sa mga
hospital personnel, pasyente ug kabanay ug kumonidad niini.
Ang kontrata taman Disyembre 2024 ug pwede mo extend kung mag sabot ang mga
partido.
Kini gi-aprobahan niadtong ika-23rd nga sesyon regular sa SP sa pagpanginahan
ni Provincial Board Member Elizabeth Marie R. Calo. (JO Mellejor, LGU-Agusan
del Norte/PIA-Agusan del Norte)
