Pagpatuman sa cash-for-work scheme sa program sa DSWD nga lambigit sa kinaiyahan, giplastar
DAKBAYAN SA BUTUAN -- Giplastar sa tigum sa Provincial Technical Working Group (TWG) alang sa Risk Resiliency Program-Climate Change and Mitigation (RRP-CCAM) Program sa Department of Social Welfare and Development (DSWD) niadtong Martes ang detalye pagpatuman cash-for-work scheme niini.
Gipunting ubos sa maong programa nga makatabang pagmugna og trabaho sa mga Agusanons pinaagi sa cash-for-work scheme alang sa mga proyekto nga naay kalambigitan sa climate change adaptation and mitigation o pagpabaskug ug pagprotektar sa kinaiyahan.
Sa panaghisgut nga giapilan sa mga personahe sa provincial government sa Agusan del Norte ug sa DSWD nauyonan nga magbutang og focal person ang probinsya nga maoy mo-follow up ug magtutok sa RRP CCAM. Lakip sa buluhaton niini mao ang pag facilitate, pag-conduct og preparations ug trainings sa mga benepisyaryo sa matag municipal local government units.
Pinaagi niini nga programa gipunting nga naay mga mahimong maayong outcomes diha sa livelihood, riverbank stabilization, infrastructure ug capability building.
Apil sa TWG ang buhatan sa Provincial Planning and Development Office (PPDO), Provincial Social Welfare and Development Office (PSWD), Environment and Natural Resources Division (ENRD), Provincial Disaster Risk Reduction and Management Office (PDRRMO), Provincial Agriculturist Office (PAO), Provincial Budget Office (PBO) ug ang Agusan Up Coordinating Center.
Magkalambigit ang mga tumong sa programang RRP-CCAM sa DSWD ug sa LUNHAW’NG AGUSAN Flagship Program sa AGUSAN UP!, ang kampanya sa pagpalambo sa administrasyon ni Gov. Dal Corvera kaabag ang buhatan ni Cong. Angel Amante-Matba. (LGU-Agusan del Norte/PIA-Agusan del Norte)
