(PAGASA 24-HOUR PUBLIC WEATHER FORECAST as of Tuesday, 18 June 2024) Southwest Monsoon affecting the western sections of Southern Luzon and Visayas. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to South will prevail with slight to moderate seas (0.6 to 2.1 meters).

Thursday, February 03, 2022

DA-Caraga miturn-over ug baktin sa pipila ka lungsod sa SurSur na naigo sa ASF 

CORTES, Surigao del Sur -- Isip pasiuna sa subling pagpadaghan sa mga binuhing baboy sa mga munisipalidad nga naigo sa African Swine Fever (ASF) sa rehiyon, ang Department of Agriculture (DA) - Caraga Regional ASF Task Force mihatud sa “sentinel" nga mga baktin sa lungsod sa Cortes ug San Miguel, probinsya sa Surigao del Sur niadtong Enero 28 sa kasamtangang tuig.

Ang sentinelling program, usa ka pamaagi nga gibasi sa siyensya aron mahibaw-an kung anaa pa ba o wala na ang kagaw o sakit sa usa ka dapit.

Ang lugar nga naigo sa ASF, iendorso sa sentinelling kung wala nay namatikdan nga kaso ug taho sa pagkamatay sa mga binuhing baboy sulod sa milabay nga dose (12) ka bulan.

Ang baktin mopailawom sa kwarenta nga adlaw nga “experimental period” lakip na ang pagpahigayon ug “environmental swabbing" aron pagsiguro nga ang apektadong mamuhiay ug baboy makatuman sa gitawag ug Biosecurity Level 1. Sa higayon nga makompleto ug dili masakit ang mga baktin, ang dapit pwede na nga balikan sa pagbuhi ug mga baboy.

Sa Barangay Matho sa Cortes, Surigao del Sur, napulo’g-unom (16) ka baktin ang giapod-apod sa walo ka mamuhiay ug baboy samtang sa Barangay Magroyong sa San Miguel, Surigao del Sur, napulo’g-pito kon disesyete (17) ka baktin ang giapod-apod sa disesyete  usab ka mamuhiay ug baboy.

Sigun ni regional ASF coordinator Dr. Apple C. Jaromahum, sa mga munisipalidad sa Cortes ug Miguel mao ang unang dapit nga nadiskobrehan ang virus sa ASF, apan hinanali usab nga nasumpo. 

Gidayeg ni Regional Technical Director Rebecca Atega ang paningkamot sa panggamhanang lokal sa Cortes ug San Miguel sa paspas nga aksyon ug kooperasyon.

Gikalipay ni Elisabeth Lavilla, usa sa apektadong mamuhiay ug baboy sa Barangay Matho ang sentinelling program uban sa panghinaut nga hingpit na gayud nga mahibalik sa normal ang ilang panginabuhian.  

Gawas sa baktin, ang Regional Livestock Program migahin usab ug  bahug ug mga medisina, samtang laing hugna sa sentinel nga mga baktin ang nakatakda nga ihatud sa lungsod sa Loreto, Agusan del Sur sa musunod nga semana. (DA-Caraga/PIA-Surigao del Sur)